Ingozi kasawoti ekudleni
ISONTO eledlule (eliqale mhla zili12 kuya zili-18 kuNdasa (March) emhlabeni wonke belaziwa nje ngeloku q washisa ngengozi kasawoti esiwudlayo. Abantu bakuleli baziwa njenga b akuthandayo u kuyo lisangosawoti ukudla kwabo. Uma sifaka usawoti omningi ekudleni kwethu, sizibeka engcupheni yokuphathwa yisifo senhliziyo nokufa kohlangothi.
Njalo ngonyaka balinganiselwa ezi-78 475 abantu abafayo ngenxa yalezi zifo. Njengamanje iqophelo lokudliwa kukasawoti lilinganiselwa kuma-41% ngosuku kanti liyi- 15% kwamanye amazwe asentshonalanga.
Ucwaningo olushaya emhloleni olwenziwe yiPenn State College of Agricultural Sciences kwelase-United States of America (USA) lukhombisa ukuthi abantu abajwayele ukunezela usawoti ekudleni kwabo kungenzeka ukuba bayilokho okubizwa nge”supertaster”.
Laba ngabantu imizwa yabo yokunambitha ephezulu ngenxa ye- gene elibizwa ngeTAS2R38 elenza sizwele okubabayo. Laba ngabantu abanezela usawoti ukuze bacime ukubaba ekudleni kwabo okunjenge- broccoli, ispinashi, ushizi wohlobo lwe- cheddar, nama- olives.
Kuthiwa bangakuqeqesha ukunambitha kwabo ngokuzijwayeza izinhlobo zokudla ezingenawo usawoti ngokusebenzisa izinongo namakhambi anjengogarlic, u- pepper obomvu, i- basil nokunye esikhundleni sikasawoti.
Ongoti bathi ukunciphisa usawoti ekudleni kungase kwehlise isibalo sabantu ababulawa yisifo senhliziyo ngo-11% ngonyaka futhi kongeke imali ebalelwa ku-R713 million wezindleko zokwelapha. Ukudliwa kukasawoti kuleli lizwe kuphezulu ngokwethusayo uma kuqhathaniswa namanye amazwe njengoba kungama-40g ngosuku esikhundleni kwesilinganiso esingaphansi kuka-5g (1 teaspoon) ngosuku esinconywa yiWorld Health Organization (WHO).
Kuliqiniso ukuthi usawoti uyadingeka emzimbeni ngoba wenza ama- cell akwazi ukuzondla ngezinye izakhamzimba futhi wona uyancibilika uhlanze umzimba ekungcoleni okudalekayo ngaphakathi (emzimbeni). Ukunambitheka komshobingo kuwubufakazi bawo lo msebenzi. Uyelekelela futhi nasekucoliseni ukudla emgudwini wokudla. Kubantu abanomfutho wegazi ophezulu ukusebenzisa usawoti ngokwedlulele kuyingozi enkulu ngoba kubangela ukumelwa yinhliziyo, isifo sohlangothi nezinkinga zezinso.
Sekunobufakazi bocwaningo obuveza ukuthi ukunciphisa usawoti kuyayehlisa kakhulu inkinga yomfutho wegazi ophezulu, ngaleyo ndlela kunqandeke nezinkinga zenhliziyo. Iningi labantu bakuleli usawoti oweqile liwuthola ezinhlotsheni zokudla okusheshayo, ama- fast food noma i- junk food ngolwasemzini. IZINKINGA ZIKASAWOTI OWUFAKA SEWUDLA (TABLE SALT)
Ziningi izinkinga zempilo ezeyamaniswa nosawoti owengezwa sekudliwa, ngamanye amazwi ongaphekiwe. Ezinye zazo yilezi: umfutho wegazi ophezulu ongaholela ekutheni uphathwe yinhliziyo, isifo sohlangothi, umdlavuza wesisu, izinso, ukukhohlwa ( vascular dementia), isifuba somoya kumbe iphika ( asthma) kungebangelwe wusawoti kodwa ukuqhubela phambili.
Usawoti omningi ungakubeka engcupheni yokungenwa yisifo sikashukela. Ngakho-ke akuthi ngesikhathi usabambe iqatha, usulungele ukucobhoza kusawoti lapho kuhlatshwe khona noma kwashisanyama, ukhumbule ukuthi usawoti oweqile uyingozi empilweni yakho.