BUKHETHWA NGOLWESITHATHU OBE-SAFA UMKHANYAKUDE
BUZOKHETHWA ngoLwesithathu ubuholi obusha beSouth African Football Association (Safa) uMkhanyakude Region.
Lesi sifunda bekufanele sikhethe ubuholi obusha emasontweni amabili edlule kodwa kwahlehliswa ngenxa yezinsolo zokusoco- ngwa kwabaholi abathile.
UDennis Mumble oyisikhulu esiphezulu seSafa, nguyena omise umhlangano waseMkhanyakude. Uthe ukhetho luzosingathwa nxa sekucaca ukuthi kuphephile.
Isikhundla esibhekwe ngabomvu ngesikamengameli esigaqelwe nguTallman Sibiya noJabulani Nxumalo.
UKwenzakwakhe Ngwenya ohola lesi sifunda, usezibeka phansi izintambo.
UNgwenya ugaqele isikhundla sokuba ngusihlalo weSafa esifundazweni okuyisikhundla asibanga noThemba Phiri wesifunda sasoThukela.
Usihlalo wesifundazwe uthola igunya lokuhlala esigungwini sika- zwelonke seSafa.
UNgwenya uthi ubethemba bobabili uSibiya noNxumalo ukuthi bangasihola kahle lesi sifunda. Ubuholi besifundazwe bekufanele bukhethwe ngenyanga edlule kodwa kwahlehliswa.
ISafa izoqoka ubuholi obusha bukazwelonke mhla zingama-24 kwephezulu eGoli.
UDanny Jordaan ohola iSafa, kulindeleke ukuthi aqokwe ngoelethu ekuqhubekeni nokuhola le nhlangano.
U-Andile “Ace” Ncobo, obegaqele ukubanga lesi sikhundla noJordaan, uhoxile kulo mbango ezeseka ngokuthi izinhlelo zokhetho z iphambene nomthethosisekelo we Safa.