UFUNA UKWEPHULA ELINYE IREKHODI
UZIMISELE ngokwephula elinye irekhodi laseNingizimu Afrika uCaster Semenya ( osesithombeni) okuzokuthi ngoLwesine abambe iqhaza emlenzeni wokugcina weLiquid Telecom Athletix Grand Prix Series ePaarl, eWestern Cape.
UCaster ugile izimanga ngeledlule ephula irekhodi lakuleli le1000m emlenzeni wesibili wayo le midlalo obuseTuks Stadium, eTshwane.
UCaster uzokuya kule midlalo ehambela phezulu njengoba esanda kwenza u-1:57 kwi800m kwiSouth African National Track and Field ngoLwesihlanu ebusuku eTuks Stadium.
NgoLwesine uCaster uzokube egijima ibanga lika-1500m kulo mqhudelwano ongenelwa ngabasubathi abaningi abaphuma ngaphandle kwelakuleli.
Irekhodi lakuleli le-1500m ngu4:01.81 elabekwa nguZola Budd ngowe-1984. UMengameli we-Athletics South Africa (ASA) u-Aleck Skhosana uthe asedayiswe aphela amathi-kithi alo mqhudelwano wango-Lwesine.
Uthi ukuba khona kwabasubathi abaningi abahlonishwayo emhla- beni yikhona okwenza lo mqhudelwano ube nesasasa.
Lemidlalo nge yokulungiselela abasubathi imidlalo yamaCommonwealth Game azokuba ngenyanga ezayo eGold Coast, e-Australia.
Kusenjalo, uKesa Molestane oyingqwele yeSpar Womens Challenge ungene unombolo 16 kwiCAA Cross Country Championships ngoMgqibelo e-Algeria, kwathi uDavid Manja wangena unombolo 17 kwabesilisa. Bobabili bebenza ibanga lika-10km.
Imiphumela ye-Om Die Dam 50km ngoMgqibelo ihambe kanje, kwabesilisa: 1.Marko Mambo 2:59:14; 2.Colin Parura 3:00:41; 3.Rofhiwa Mathidi 3:01:16; 4.Peter Medupe 3:05:50; 5.Admire Muzopambwa 3:05:57; Kwabesifazane: 1.Salome Cooper 3:39:48; 2.Cobie Smith 3:50:22; 3.Lesley Train 3:55:32; 4.Clara Betton 4:01:04; 5.Danka Erasmus 4:03:25.
Imiphumela yeDeloite1. Nkosikhona Mhlakwana 02:22:49; 2.Slindile Gubese 02:27:18; 3.Pro-fessor Mollen 02:28:58; 4. Ephraim Xaba 02:30:36 5. Syvion Madikane 02:31:42. Kwabesifazane: 1.Silindile Chil 02:51:39; 2.Lisa Collett 02:57:33; 3. Margreth Mahohoma 03:00:47; 4. Dawn Nunes 03:15:38; 5.Andisiwe Ntlantywa 03:15:53