UBHEKI CELE USEWUVALILE UMZILA ONOMBANGO EMTHATHA
wamaphoyisa, uMnu Bheki Cele, unqume ukuwuvala umzila osekuphele imi-nyaka ubangwa eMthatha, e-Eastern Cape, osekudlule imiphefumulo engama-60 ngenxa yalo mbango oqale ngowezi-2016.
Ngokusho kwehhovisi likangqongqoshe, imizila ethintekayo ngowaseMaclear nowakuTsolo “Ukuba ngogombela kwezabo kosomatekisi kumele kuphele, ngeke sikubekezelele ukubala izidumbu zabantu sengathi sibala abagibeli,” kusho uMnu Cele.
Uthi imizila ngeyabantu bonke baseNingizimu Afrika, ngakho kakumele osomatekisi bayenze eyabo ngoba befuna ukufeza izinhloso zabo zokuzicebisa.
Kuvalwa le mizila nje, sekukaningi uHulumeni wase-Eastern Cape ungenelela ukuzama ukudala ukuthula phakathi kwalabo soseshini ababangayo.
"Kakukhona okokuqala kuthathwa isinqumo sokuvalwa kwemizila, kulokhu umehluko wukuthi umzila uzovalwa kuze kube khona ukuthula. Ngisho ngabe basiyisa enkantolo sizoya.
"Emuva kokusayinwa kwesivumelwano sokubeka phansi izikhali, kushone abantu abali13 kanti kunamacala ali17 okuzama ukubulala avuliwe” kusho uMnu Cele.
Ubehlangene nobuholi besifundazwe, obebuholwa nguNgqongqoshe wezokuThutha nokuPhepha koMphakathi, uNkz Weziwe Tikana, nomkhuzi wamaphoyisa kulesiya sifundazwe, uLt Gen Liziwe Ntshinga.
Babe nomhlangano nososeshini abathintekayo okungu-Uncedo Services Taxi Association neBorder Alliance Taxi Association.
Uthi kulezi zingxoxo akekho phakathi kwalabo soseshini obefuna ukuzehlisa. Umkhankaso wamaphoyisa usuholele ekuboshweni kwabasolwa abangama-48 abathintekayo ezigamekweni zodlame kwezinye izifundazwe.
Mayelana nokuthathwa kwesinqumo sokuvalwa kwale mizila, uNgqongqoshe uCele uthi uzimisele ukuhlangana nabathintekayo, inqobo nje uma seyisangulukile inkungu.