Ilanga

LIHLEHLILE ELESIKHULU SE-ANC

- PAMELA ZUNGU 1. Desmond Khalid Golding 2. Ceaser Walter Mkhize 3. Soft Skills Communicat­ions 100CC ( imelwe nguCeaser Walter Mkhize) 4. Shaka Holdings (emelwe nguCeaser Walter Mkhize) 5. Zandile Nonjabulo Mbongwe 6. Maqhoboza Traders CC (emelwe nguCeaser

LIHLEHLILE eNkantolo yamaCala obuGebengu obuPhathel­ene nezeMali, eJohn Ross, eThekwini icala likaMnu Mike Mabuyakhul­u. UMnu Mabuyakhul­u, oke waba ngungqongq­oshe eminyangwe­ni eyahlukene KwaZulu-Natal, usolwa ngohide lwamacala okubalwa kuwona awokweba, awenkohlak­alo nawokukhwa­banisa.

Ungomunye wabahola ithimba lobuholi besikhasha­na be-ANC KwaZulu-Natal kanti ubevele noMnu Desmond Khalid Golding, uMnu Walter Mkhize, uNkz Zandile Nonjabulo Mbongwe, uNkz Nothando Zungu, uMnu Mabheleni Ntuli, uNkk Nonhlanhla Brenda Ninela, uMnu Mzwandile Basil Ninela noNkz Ntokozo Ndlovu.

UMnu Mabuyakhul­u kubikwa ukuthi uzinikele emaphoyise­ni emuva kokuthola ukuthi usengumsol­wa kula macala. UMnu Mabuyakhul­u noMnu Golding bathole ibheyili ka-R50 000 kanti uNkz Mbongwe, uNkk Ninela noMnu Ninela banikwe eka-R30 000.

Kuzokhumbu­leka ukuthi ibheyili kaMnu Mabuyakhul­u inemidanti okubalwa kuyona nokuthi angaphumi KwaZulu-Natal engabikang­a kwabomthet­ho. Amacala abathweswe wona kuthiwa asukela ekubhuntsh­eni kwekhonsat­hi yomculo iNorth Sea Jazz - ebihle- lelwe u-R28 million - obekubikwe ukuthi izokwenziw­a eThekwini kepha imali yayo yamila izinyawo.

UMnu Mabuyakhul­u nomndeni wakwaNinel­a bamelwe ngu-Adv Paul Jorgensen.

Icala lihlehlele umhla zinga- ma-22 kuNcwaba njengoba kulindelek­e ukuba le nkantolo ikhiphe usuku leli cala elizongena ngalo eNkantolo eNkulu yaseThekwi­ni.

Sebebonke abasolwa kula macala, kubalwa nezinkampa­ni ezithintek­ayo, yilaba:-

?? ISITHOMBE NGU: PAMELA ZUNGU ?? UMNU Mike Mabuyakhul­u ephuma enkantolo ehamba nonogada wakhe.
ISITHOMBE NGU: PAMELA ZUNGU UMNU Mike Mabuyakhul­u ephuma enkantolo ehamba nonogada wakhe.

Newspapers in Zulu

Newspapers from South Africa