SEBASTIAN JILI NGABE WUSUKU LWAKHO LOKUZALWA NAMUHLA?
UHLALE unezinselelo ezintsha othandweni lwakho. Bakhona abanye abakholelwa kakhulu emibonweni yakho nakuwena ngqo. Ungalinge wenze izinto ezizokwenza abanye bakungabaze.
ARIES (March 21-April 19)
UNGUMUNTU ogaqele inkululeko kodwa uyabona ukuthi kawufikile kahle kuyona. Kumele ugweme okuphazamisa izinhlelo zakho ezibalulekile. Ukuzethemba kuzokusiza kakhulu empilweni yakho.
TAURUS (April 20-May 20)
KOKUNYE uyazama ukuphatha kahle umaqondana wakho kodwa ubuye ubone sengathi yena akenzi kahle. Ngeke wathuthuka ngesivinini osicabangayo ngoba ubuye ungene kalula emaphutheni.
GEMINI (May 21-June 21)
ZIKHONA izinto obonayo ukuthi kazisakuthokozisi ebudlelwaneni bakho. Usudlule ebunzimeni obukhulu kakhulu obudalwe ngabantu obasizile esikhathini esedlule. Usuzimisele ngokuphila impilo engancikile komunye umuntu.
CANCER (June 21-July 22)
AMANDLA akho kawapheli kalula noma kubuye kube nezithikamezo ezivukayo. Ukuphazamiseka kobudlelwano bakho kuzodala ingcindezi. Kunemibuzo olokhu uzibuza yona.
LEO (July 23-August 22)
KULANGAZELELE njalo ukukhula ohlangothini lwezolwazi. Uma usondelene nabantu abanobuhlakani, ziphuma kalula kuwena izinqumo ezinobuhlakani. Kunabanye ongafuni bakuqonde ukuthi ucabangani.
VIRGO (Aug 23-Sept 22)
IZINHLOSO eziqukethe ubulungiswa kumele ubambelele ngqo kuzona. Kunezinhlelo okumele zivuselelwe esezibonakala zifadalala. Unokuhlukana komqondo ngesinye isinqumo esimqoka kakhulu.
LIBRA (Sept 23-Oct 22)
UZOBONA kunesidingo sokubonisana nomaqondana ngezinye izinto ezimqoka. Zibophezele ekuqhamukeni nezixazululo kwezinye izinkinga ongahlangabezana nazo.
SCORPIO (Oct 23-Nov 21)
UZOZIBAMBA ziqine ngempela ukuze isithunzi sakho sigcineke. Ungavumi ukuzihlanganisa nezinhlelo eziphambene nobulungiswa. Zicijele ukubhekana nanoma yibuphi ubunzima empilweni yakho.
SAGITTARIUS (Nov 22-Dec 21)
KUCUBUNGULE konke okuwumhlahlandlela wempilo yakho. Njengamanje kunobunye ubungani obonayo ukuthi kabukugculisi futhi uzimisele ukukhohlwa yibona. Unomqondo osheshayo futhi ocubungulayo.
CAPRICORN (Dec 22-Jan 19)
UMTHWALO wakho omkhulu uncike ekufezeni izidingo zomndeni. Kumele ukhombise ukuthi unesibindi nomqondo ojulile ekuxazululeni izinkinga, kakhulukazi ezimayelana nobudlelwano bakho.
AQUARIUS (Jan 20-Feb 18)
UZOFINGQA imikhono uzimisele ukwenza noma yini ezokugcina uthuthukile. Izivunguvungu zihlale zikhona empilweni kodwa kumele wazi ukuthi noma yini eyenzekayo iyadlula.
PISCES (Feb 19-March 20)
UYAKHOLELWA ekubeni ngaphambi kokuqala ubudlelwano, kumele kuqale ubungani. Izinto ezinenza nihluke kumele ufunde ukuzishaya indiva ebudlelwaneni bakho. Ukubambisana nabathile kuzokusiza kakhulu.