I-ASA IHLABEKE UMXHWELE NGABAGIJIMI BAKULELI
BAGILE izimanga abasubathi bephula amarekhodi kwiSouth African National Youth, Junior Track & Field Championships eqale ngoLwesine yasongwa ngoMgqibelo ePaarl, eWestern Cape.
Abasubathi abenze kahle kule midlalo bazomela iNingizimu Afrika kwiCAA Southern Region Championships emhla zingama-27-28 kwephezulu eBoksburg Stadium, eGauteng, kuthi abenze kahle baqokelwe kwi-International Association of Athletics Federation (IAAF) World Junior ngoNtulikazi (July) eFinland.
Abasubathi abenze izibukeli kazaze zasikhalela isikhathi sazo nguGontse Morake we-Athletics Gauteng North (AGN) ophule irekhodi kwi-400m hurdles. Ubegijima esigabeni sika-U/18 (Youth). Uphinde wahlomula ngendondo kwi-4x400m relay.
UKayle Blignaut uphonse ibanga elingu-20.85 kwiPole Vault.
UZazini Sokwakhana ubeke u-46:00 kwi-400m waphinde waba yingqwele ye-400m hurdles, wathola indondo kwi-4x400m. Uthe ujabule kakhulu ngokwenza kangcono isikhathi sakhe.
Uthi into aseyibhekile yimidlalo yeCAA neyeWorld Champs.
Abanye abasubathi abenze kahle nguThando Dlodlo, uRetsiditswe Mlenga bobabili abenza i-100m ne-200.
UMengameli we-Athletics South Africa (ASA) u-Aleck Skhosana uthe uhlabeke umxhwele yikhono elikhonjiswe ngabagijimi kule midlalo.
“Ukuba nomqhudelwano walolu hlobo kuyasiza ukugcina abagijimi beqatha,” kusho uSkhosana.
Imiphumela ye-Arthur Creswell Memorial 52km ihambe kanje, kwabesilisa: 1.Tsholwane Mhlakwana (Phantane) 3:08:40, 2.Thobile Mbolekwa (Hollywood bets) 3:10:05, 3.Mahlomola Sekhonyana (Maxed Elite) 3:11:44. Ku-35 kuya ku-39: 1.Bafana Miya (Loskop Gijimas) 3:16:20. Ku-40 kuya ku-49: 1.Vusi Sokhela (Maxed Elite) 3:20:45. Ku-50 kuya ku-59: 1.Phakama Shezi (Nedbank) 3:52:04. Ku-60 kuya phezulu: 1.Guy Nottingham) 4:44:50.
Esigabeni esivulekile kwabesifazane: 1.Lisa Collett (Boxer) 3:53:32, 2.Lineo Lebotha (Sisonke) 4:09:24, 3.Zinhle Shabalala (Klipriver) 4:13:30. Ku-35 kuya ku-39: 1.Lineo Lebotha (Sisonk) 4:09:24. Ku-40 kuya ku-49: 1.Lisa Collett (Nedbank) 3:52:32. Ku-50 kuya ku-59: 1.Leonie van Der Westhuizen (DHS Old Boys) 4:58:43. Ku-60 kuya phezulu: 1. Tilla Dalhouzie (QH) 6:58:20.
Kwi-21km kwabesilisa: 1. Bonginkosi Zwane (Boxer) 1:09:52, 2.Thobani Chagwe (Maxed Elite) 1:09:52, 3.Lungelo Khumalo (IND) 1:11:24. Kwabesifazane: 1. Sanelisiwe Mbanjwa (Phantane) 1:32:54, 2.Nontobeko Mlambo (Loskop Gijimas) 1:32:54, 3. Minenhle Mncube (Loskop Gijimas) 1:38:10.
Kwabahambayo, kwabesilisa: 1.Dave Nicholas (Riverside H) 3:11:27. Kwabesifazane: 1.Belinda Hope (Team Vitality) 2:36:46.
EyeNquthu 10km, kwabesilisa: 1.Thabang Mosiako (Boxer) 33:00; 2.Misheck Sithole (Zakhele) 33:06; 3.Slindile Gubese (Ethekwini) 33:33. Kwabesifazane: 1.Jenet Mbhele (Ethekwini) 40:01; 2.Malineo Mahloko (Sisonke) 41:45; 3.Thobile Mkhize (Amaqhawe) 42:34.