Udidwe yisibhaxu
Wakhiphela isibhongo kunompempe
UDIDWE yisibhaxu wakhiphela isibhongo kunompempe uPep Guardiola ongumqeqeshi weManchester City ihlulelwa ekhaya yiLiverpool ngo-2-1 ngoLwesibili ebusuku koweUefa Champions League.
ICity nasemlenzeni wokuqala iguqe ngo-3-0 ekuhambeni.
UGuardiola ukhwele wadilika kuAntonio Mateu Lahoz waseSpain obephethe lo mdlalo.
Lo mqeqeshi isiwombe sesibili usibuke nezihlwele ngemuva kokukhishwa yilo nondweba emsola ngokungaziphathi kahle. UGuardiola usole lo nompempe ngokuphika igoli likaLeroy Sane ebelizokwenza ukuthi kuyiwe ekhefini ezakhe zihamba phambili ngo-2-0.
ICity ibihlulwa okwesibili ekhaya kulandelana njengoba ngeledlule iguqiswe yiManchester United ngo-32 kowe-English Premiership ekubeni kuyiwe ekhefini ihamba phambili ngo-2-0. ILiverpool isele ngamaphuzu ali-17 kwiCity kwi-premiership, kodwa isiyihlule kathathu emidlalweni emine kule sizini.
ICity inethuba lokwesula abalandeli bayo izinyembezi njengoba idinga amaphuzu amathathu ukugcotshwa njengezingqwele ezintsha ze-premiership.
Iqhathwe neTottenham Hotspur engagayelwa mphako ngoMgqibelo ngo-20h45.
Isiyonke imidlalo ye-English Premiership kule mpelasonto ihlelwe kanje: NGOMGQIBELO Southampton vs Chelsea 13h30. Burnley vs Leicester City 16h00. Crystal Palace vs Brighton & Hove Albion 16h00.
Huddersfield Town vs Watford 16h00. Swansea City vs Everton 16h00. Liverpool vs AFC Bournemouth 18h30.
Tottenham Hotspur vs Manchester City 20h45. NGESONTO Newcastle United vs Arsenal 14h30.
Manchester United vs West Bromwich Albion 17h00. NGOMSOMBULUKO West Ham United vs Stoke City 21h00. EyeSpanish La Liga ihlelwe kanje: KUSASA NGOLWESIHLANU Girona vs Real Betis 21h00. NGOMGQIBELO Sevilla vs Villarreal 13h00. Barcelona vs Valencia 16h15. Las Palmas vs Sociedad 18h30. Leganes vs Celta de Vigo 18h30. Athletic Club vs Deportivo La Coruna 20h45. NGESONTO Eibar vs Deportivo Alaves 12h00. Atletico Madrid vs Levante 16h15. Getafe vs Espanyol 18h30. Malaga vs Real Madrid 20h45.