NGICELA UMXHASO NGASEDOLOBHENI
MHLELI: Ngingumfana okhubazekile ohamba ngesihlalo esinamasondo, ngihlala emapulazini. Inkinga engibhekene nayo wumgwaqo wangakithi emakhaya.
Ngihamba kanzima ngesihlalo esinamasondo kangangoba uma linile izimoto zomphakathi kazingithathi kalula ngoba isihlalo sami sisuke sesigcwele udaka. Abantu balwa nami bethi ngizobangcolisa ngodaka. Sekukaningi ngibika ngale ndaba kodwa isikhalo sami kasizwakali.
Kwesinye isikhathi ngifika emgwaqweni omkhulu sengimanzi yimvula kuze kuqhamuke lowo muntu onozwelo angithathe ngize ngifike edolobheni.
Umama usemdala, akasenawo ama- ndla okungiqhuba ngesihlalo sami aze angifikise emgwaqweni wezimoto.
Ngiyacela indlu yomxhaso ngasedolobheni elungele umuntu okhubazekile ukuze nami ngifane nabanye abantu.