Ubiza uR1,15 billion umdlali weChelsea
Kunxuswa iPSG ukuba imthenge ukuqinisa isisu
ICHELSEA egijima kwi-English Premiership ifuna u-R1,15 billion kunoma iyiphi ikilabhu efuna ukuthenga uN’Golo Kante waseFrance ogijima kule kilabhu.
UKylian Mbappe waseFrance odlala kwiParis Saint-Germain (PSG) yakhona eFrance, usenxuse le kilabhu ukuthenga uKante.
Uthi ukutheleka kwakhe eFrance kungayixazulula inkinga yasesiswini kule kilabhu. Uthi ukuxega kwesisu kule kilabhu yikhona okwenza ingenzi kahle kwi-Uefa Champions League.
UKante udlala ingcwenga yebhola kwiChelsea ayijoyine esuka kwiLeicester City. Ubambe elikhulu iqhaza iCity inqoba i-English Premiership kumasizini amabili adlule, kanti ngesizini elandelayo uqukule inkomishi efanayo neChelsea. UMbappe uthi ukulandwa kukaKante kungayithuthukisa kakhulu iligi yaseFrance.
“Ungumkhaya wethu lapha eFrance. Ukumlanda kungenza umehluko omkhulu kwiligi yethu. Bonke abantu balapha eFrance bayamthanda futhi uyiqhawe labo. Abaphathi bekilabhu kumele baqunge isibindi bamthenge. Kayehli kahle le nto yokubona abadlali baseFrance bedumisa iligi yase-England njengoba kwenzekile kuThiery Henry obedlala kwi-Arsenal nabanye.
“Kumele sizigcine ekhaya izilomo zethu ukuze neligi yethu izohlonishwa. Ukufika kukaKante lapha ekilabhini kungasinqobisa iChampions League,” kusho lo mdlali odlala noKante eqenjini lesizwe laseFrance.
IChelsea izobhekana neLiverpool ngeSonto ngo-17h30 kowe-English Premiership.
Isiyonke imidlalo ye-English Premiership kule mpelasonto ihlelwe kanje: KUSASA NGOLWESIHLANU Brighton & Hove Albion vs Manchester United 21h00 (SS3). NGOMGQIBELO Stoke City vs Crystal Palace 13h30 (SS3).
AFC Bournemouth vs Swansea City 16h00 (SS6).
Watford vs Newcastle United 16h00 (SS11).
Leicester City vs West Ham United 16h00 (SS8).
West Bromwich Albion vs Tottenham Hotspur 16h00 (SS3). Everton vs Southampton 18h30 (SS3). NGESONTO Manchester City vs Huddersfield Town 14h30 (SS3). Arsenal vs Burnley 17h30. Chelsea vs Liverpool 17h30 (SS3). NGOLWESIBILI Swansea City vs Southampton 20h45 (SS3).
EyeSpanish La Liga ihlelwe kanje: KUSASA NGOLWESIHLANU Sevilla vs Real Sociedad 21h00 (SS7). NGOMGQIBELO Girona vs Eibar 13h00 (SS7). Athletic Club vs Real Betis 16h15 (SS7).
Celta de Vigo vs Deportivo La Coruna 18h30 (SS7). Villarreal vs Valencia 20h45 (SS7). NGESONTO Malaga vs Deportivo Alaves 12h00 (SS7).
Atletico Madrid vs Espanyol 16h15 (SS7). Las Palmas vs Getafe 18h30 (SS7). Barcelona vs Real Madrid 20h45 (SS7). NGOMSOMBULUKO Leganes vs Levante 21h00 (SS7).