UTHWELWE NGEQOMA UKESA MOLOTSANE KWI-SPAR WOMEN'S CHALLENGE
KUBHEKWE uKesa Molotsane ukuba aqhubeke nokudlisa ngamapayipi izimbangi zakhe emlenzeni wesibili weSpar Women’s Challenge ozokuba ngoMgqibelo eBhayi, e-Eastern Cape.
Kuzokhumbuleka ukuthi iSpar Women’s Challenge iyimilenze eyisi-6, umlenze wokuqala ubuseCape Town kanti unqotshwe nguKesa ovikela isicoco salo mjaho ngokuqeda enamaphuzu amaningi kunabanye nyakenye.
Emlenzeni wangoMgqibelo kulindeleke ukuba baphelele bonke abasubathi baseNingizimu Afrika besifazane njengoba ozoqeda enamaphuzu amaningi kunabanye ezohlomula ngo-R180 000.
Ngaphandle kukaKesa, abanye abasubathi abalindelekile kulo mjaho nguGlenrose Xaba, uMapaseka Makhanya, uLebo noLebogang Phalula, uNolen Conrad, uZintle Xiniwe, u-Irvette van Zyl ukubala nje abambalwa.
Abasubathi baKwaZulu-Natal bazogadulisana kwiCheckout Challenge 21km ehambisana ne10km lapho kuzokube kukhethwa iqembu elizomela isifundazwe kwiSouth African National 10km ezokuba mhla ka-29 kuMandulo (September) eMiddleburg, eMpumalanga.
I-21km ngeyokulungiselela abasubathi iSA Half Marathon ezokuba mhla ka-28 kuNtulikazi (July) eBhayi.
IKwaZulu-Natal Athletics (KZNA) yazisa abasubathi ukuthi iSA Champs izokuba yingxenye yeSanlam Marathon engomhla ka-23 eCape Town kuthi iCross Country igijinywe mhla ka-7-8 eBhayi.
Abagijimi bayakhunjuzwa ukuthi abanesifiso sokuba seqenjini lesifundazwe kufanele bagijime imijaho emibili neKZN Champs. Umlenze wesine weCross Country uzokuba ngoMgqibelo eBurman Bush, eThekwini. Ngolwazi ngale mijaho kushayelwa iKZNA kwethi: 031 312 9374.
Imiphumela yeHibiscuss Coast 48km, kwabesilisa: 1.Mahlomola Sekhoyama (Maxed Elite) 2:55:45; 2.Sthemele Fanekho (Nedbank) 2:57:37; 3.Pitso Malau (IND) 2:58:03. Ku-40 kuya ku-49: 1.Emmanuel Nzama (Nedbank) 3:07:06. Ku-50 kuya ku-59: 1.Michael Ndlovu (IND) 3:31:43. Ku-60 kuya phezulu: 1. Simon Nyawose (Sydenham) 4:24:20.
Kwabesifazane: 1.Amela Ebel (Nedbank) 3:18:32; 2.Fikile Mbuthuma (Nedbank) 3:37:48; 3. Maureen Dladla (Nedbank) 4:15:59. Ku-40 kuya ku-49: 1.Fikile Mbuthuma (Nedbank) 3:37:48. Ku-50 kuya ku-59: 1.Amela Ebel (Nedbank) 3:18:32.
Kwi-21km, kwabesilisa: 1.Sipho Mbanjwa (IND) 1:06:51; 2.Anele Dlamini (IND) 1:07:13; 3.Slindile Gubese (IND) 1:07:48. Ku-40 kuya ku-49: 1.Bheki Ngcobo (Maxed Elite) 1:20:20. Ku-50 kuya ku-59: 1.Wade Balsolon (Ugu) 2:08:32. Ku-60 kuya phezulu: 1.Cornel Smith (BNAC) 1:59:04.
Kwabesifazane: 1.Zama Mokoena (Nedbank) 1:24:21; 2.Toni Mundi (Kid Marathon) 1:33:47; 3.Zandile Menze (Nedbank) 1:37:18. Ku-40 kuya ku-49: 1.Nolwazi Mqulwana (EG Striders) 1:55:47. Ku-50 kuya ku-59: 1.Priscillia Jensen (Sasol) 2:01:11. Ku-60 kuya phezulu: 1. Sheree Kirsten (West) 2:03:44.
Ku-10km kwabesilisa: 1. Bonginkosi Zwane 31:25; 2.Ayanda Mncube 31:50; 3.Lindokuhle Sithole 32:40. Kwabesifazane: 1. Nwabisa Mjoli 38:35; 2.Puseletso Dladla 41:24; 3.Nelisiwa Cele 42:55.