Isexwayiso kubagijimi ngeComrades
Balulekwa ukuqala kodokotela ngaphambi komjaho
INKAKHA yomsubathi waseNingizimu Afrika, uWillie Mtolo - ozakhele ugazi enqoba imijaho eminingi ngeminyaka yama-80’s nasekuqaleni kwama-90’s - uxwayisa abagijimi abazobamba iqhaza kwiComrades Marathon ngengozi yokungaqali kodokotela babo ngaphambi kwalo mjaho ukuyohlola ukuthi baphile saka yini ukuwugijima.
UMtolo ube ngumsubathi wokuqala wakuleli ukunqoba iNew York City Marathon ngo-1992 kanti uthi kubalulekile ukuba abasubathi bazihlole impilo ngaphambi kokuba baye kulo mjaho.
Umjaho wanonyaka uzokuba mhla ka-10 kuNhlangulana (June) usukela eMgungundlovu usongwe eMoses Mabhida Stadium, eThekwini.
“IComrades inzima kanti bonke abaya kuyona kufanele babonane nodokotela ukugomela izifo ikakhulukazi umkhuhlane,” kusho uMtolo.
Uqhube ngokuthi uthipha abagijimi abathathu ukuthi ozonqoba uzophuma kubona.
“Ngokubona kwami bathathu abasubathi abasethubeni lokukhala bemuke nesicoco salo mjaho.
UBongumusa Mthembu usethubeni emuva kokwenza kahle kwiTwo Oceans Marathon engena endaweni yesihlanu, kube uDavid Gatebe ophethe irekhodi lalo mjaho alenze ngo-2016 noGift Kelehe onqobe ngo-2015.
"Ngokwami ingqwele izophuma phakathi kwazo lezi zinsizwa,” kusho uMtolo okuqinisekisile ukuthi ngeke alibambe iqhaza kulo mjaho njengoba bekuke kwashiwo ekuqaleni konyaka.
Kusenjalo, kulindeleke izinga eliphezulu kwiFNB Cape Town 12km One Run ezokuba ngeSonto eCape Town. AbakwaFNB bane-
INDUMEZULU YEMIDLALO YOKUKHUMBULA USENZO MEYIWA
UZOKHUNJULWA ngendumezulu yomdlalo uSenzo Meyiwa ( osesithombeni) owashona evimbela iBafana Bafana neOrlando Pirates. Lo mdlalo ozokwaziwa ngele Senzo Meyiwa Commemorative Game uzokuba ngomhla ka-9 kuNhlangulana (June) eKing Zwelithini Stadium, eMlazi.
UNtokozo “Koloba” Sikhakhane weYouth Camps noNathi Ngwenya weNathi Ngwenya Holdings baveze ukuthi bathole izibusiso emndenini kaMeyiwa ukuhlanganisa le ndumezulu ngenhloso yokukhumbula lesi sihlabani esadlula emhlabeni ngokudutshulwa sihlezi kubo wentombi yaso engumculi, uKelly Khumalo, eVosloorus eGoli ngoMfumfu (October) ngo-2014.
USikhakhane owayesondelene noSenzo, uthe babone kuwumqondo ophusile ukuba bamkhumbule ngebhola uSenzo njengoba selokhu adlula emhlabeni akukho lutho mijaho emithathu kuleli kanti olandelayo uzokuba seGoli bese kusongwa ngowaseThekwini. Umjaho waseCape Town uzokube ungenelwe ngabasubathi abaningi baseKenya nabase-Uganda abahlonishwayo emhlabeni.
Abasubathi baKwaZulu-Natal bazokhiphana inkani kwiMadadeni 21km ngeSonto ezinkundleni zemidlalo ePhelandaba. Ngolwazi kushayelwa uPhumlani Sangweni kwethi: 079 531 1113. aseke enzelwa lona.
“USenzo umele iKwaZulu-Natal kahle edlala kude nakubo kusukela esemncane, wangena eqenjini lesizwe lika-U/17, U/20, U/23 waze wafika nakwiBafana. Usuke lapho waba ngukaputeni wePirates wagcina esengukaputeni weBafana. Sibone kungcono ukuba simkhumbule ngokuhlanganisa abantu abadlala naye nabebemqeqesha senze iSenzo Meyiwa Commemorative Game,” kusho uSikhakhane.
Uthe abadlali abazojabulisa abalandeli abazotheleka eKing Zwelithini Stadium, eMlazi, nguOupa “Ace” Manyisa, u-Andile Jali, uTeko Modise, u-Itumeleng Khune, uMoeneeb “Slimkat” Josephs, uBernard Parker, uSteve “Chippa” Lekoelea, uSimphiwe “Shabba” Shabalala, uBenedict “Tso” Vilakazi, uDoctor “16V” Khumalo, uThamsanqa “Gandaganda” Gabuza, uBrilliant Khuzwayo, uLucky “Phinda Mzala” Lekgwathi ukukha nje phezulu.