IZINKANYEZI SEBASTIAN JILI

ARIES (March 21-April 19)

KUMELE uqonde ukuthi ngeke ukwazi ukwenza izinto eziningi ngesikhathi esisodwa. Zama ukubuka izinto ezimqoka ugxile ngamandla kuzona.

TAURUS (April 20-May 20)

IZIMO ezinzima zivame ukuqinisa impilo yakho. Khombisa ukubekezela ezimeni zothando uma ufuna ukuphila impilo ethokozisayo. Balindele amazwi anokuhlakanipha kuwe.

GEMINI (May 21-June 21)

IZIMO zothando ubona sengathi kazihambi ngendlela ofisa ngayo. Ubuye ubone sengathi izinto kazihambi njengokuhlela kwakho.

CANCER (June 21-July 22)

AMAPHUTHA owenze izolo anomthelela omkhulu esimeni obhekene naso namuhla. Ujwayele ukuthatha izimo ngentukuthelo.

LEO (July 23-August 22)

KUMELE usebenze ngokuzikhandla ukubuyisela umdlandla wakho endaweni efanele. Into emqoka wukunika umaqondana isikhathi esenele. Kuzoba lula ukubeka imibono ezokusiza.

VIRGO (Augt 23-Sept 22)

OBUNYE ubudlelwano kakumele ubuncenge. Ungumuntu othandayo ukufunda imiqondo yabanye abantu bese uyakuhlaziya konke okutholayo. Uzozinika isikhathi sokuba wedwa.

LIBRA (Sept 23-Oct 22)

UBUHOLI bakho kumele buhambisane kakhulu nokubuka izinto ngeso elijulile ngaphambi kokukhuluma. Kumele uqaphele manje ukuthi kawugxambukeli ezindabeni zabanye abantu.

SCORPIO (Oct 23-Nov 21)

INTO oyenza kwabanye kumele uqikelele ukuthi uma yenziwa kuwena uzoyamukela. Ubuye uthathe izinto ngokuduba. Uyazama ukulolonga ikusasa lakho kodwa kakulungi.

SAGITTARIUS (Nov 22-Dec 21)

UKUPHUMELELA kwakho kuncike endleleni eqotho yokuxhumana nabanye abantu kodwa ubuye uhluleke wukuhlalisana nabanye.

CAPRICORN (Dec 22-Jan 19)

KUMELE uqonde ukuthi kuhlukene ukuthanda into nokuba nekhono le nto. Gxila kulokhu onekhono lakho kakhulu ukuze uzokwenza kangcono.

AQUARIUS (Jan 20-Feb 18)

IKUSASA lakho lilawulwa kakhulu yizifiso onazo emqondweni. Ukuzicabangela wena kuqala kumqoka kakhulu kunokucabangela omunye kuqala.

PISCES (Feb 19-March 20)

UMZABALAZO wakho omkhulu uncike ekusimamiseni isimo semali. Uyazi ukuthi kukhona abahlale begade ukuphumelela kwakho.