IChiefs icacisa ngolomqeqeshi omusha
ISAHLUNGA izicelo iKaizer Chiefs okuvela ukuthi zingaphezulu kuka-15 ezabaqeqeshi abanohlonzo abafuna ukuthatha isikhundla esishiywe nguSteve “Mphathi” Komphela kukubi.
UBobby Motaung oyimenenjajikelele yeChiefs ucashunwe ethi umqeqeshi omusha bazibekele umgomo wokumdalula ngaphambi kokuqala kwezinhlelo zabo zokulungiselela isizini ezayo.
Amalungiselelo eChiefs esizini ezayo azoqala maphakathi noNhlangulana (June).
“Kasifuni ukuluxhamazelela lolu daba kwazise lubucayi kakhulu futhi luyaphuthuma. Silusingethe ngesikhulu isinono. Sisebenza kanzima ukuthola umuntu ozokwazi ukuyisa ikilabhu phambili,” kusho uMotaung.
Ugcizelele ukuthi kuningi abakucwaningayo ngabantu abafake izicelo zalo msebenzi.
“Nakuba sizibekele usuku oluwumnqamulajuqu ukuqeda ngomqeqeshi omusha kodwa kasifuni ukuzifaka kwingcindezi yabezinda- ba wonke umuntu esesijaha efuna ukwazi ukuthi kwenzakalani,” kusho uMotaung.
Sekuwumlando ukuthi uKomphela usule kunzima kwiChiefs emuva kokuba abalandeli bevuke indlobane bashisa iMoses Mabhida Stadium becikwa wukuwashiswa kwayo ijezi yiFree State Stars ngo-2-0 kowandulela owamanqamu weNedbank Cup eThekwini ngoMbasa (April).
Kubaqeqeshi abayamaniswa nalo msebenzi kubalwa uNikola Kavazovic waseSerbia opheka iTownship
USETHI KHUMU KWEYOMHLABA U-AB DE VILLIERS
Rollers yaseBotswana, uLuc Eymael ohole iFree State inqoba iNedbank Cup ngeledlule, uPatrice Carteron, u-Avram Grant wodumo lokucija iChelsea yaseEngland ukukha nje phezulu.
Kungena eleNedbank Cup nje, ngoMgqibelo kuzohlungwa abadlali baKwaZulu-Natal abazo- ngena kwiKeyona Team ePrincess Magogo Stadium, KwaMashu.
IMamelodi Sundowns ibambane neHoroya yaseGuinea ngo2-2 koka-group C kwiCaf Champions League ngoLwesibili ebusuku ekuhambeni. IDowns idedele amaphuzu esesemgodleni ivumela iHoroya ukulinganisa.