UTIRA KWETHULWA INGOMA KAMAMPINTSHA ENTSHA
WESEKWE uDJ Tira uMampintsha emcimbini wokwethula ingoma yakhe entsha esihloko sithi, “Amaketango” eJoe Cools. eThekwini, ngoLwesihlanu ebusuku.
NgeSonto eledlule ngemuva kokuvela kodaba lokuhlukunyezwa kukaBabes, uDJ Tira ubesolwa njengesandla sesithathu, abantu bethi nguyena ozama ukuwisa uMampintsha.
Ephawula ezinkundleni zokuxhumana, uwaphikile lawo mahlebezi, wakhetha ukuyomeseka uMampintsha emcimbini wakhe.
Bebehlezi bobabili eJoe Cools, betshengisa ukuthi bayezwana njengoba bebebuye bahleke ndawonye uma kudlala ingoma ebachazayo, ubabone bedansa.
Phakathi kwamabili uDJ Tira ungenile wasanganisa izihlwele ngamanoni ase-Afro nawase West Ink. Uthe esezophuma kwangena uMampintsha badlala ndawonye.
Ngemuva kokungena kukaMampintsha uTira umdedelile waphuma wayohlala phansi. Akaqedanga mizuzu ehlezi phansi uMampintsha wambiza futhi wathi “Woza Mtirimane”, ngale- so sikhathi abantu bahluleke ngisho ukuzibamba injabulo bebona ukuthi laba bobabili bayezwana.
Bashaye ingoma kaDJ Fisherman esihloko sithi, “Happy Song”, nethi “uMlilo” wase eyahamba uTira.
UMampintsha uqhubekile washaya izingoma apikwe kuzona wuBabes Wodumo, wase eyivala ngeyakhe abezoyethula kubalandeli bakhe esihloko sithi, “Amaketango”.
U-Intro B, ongomunye wabaphathi eJoe Cools, ubejabule ehluleka nawukuzibamba ngendlela abantu abebephume