ABOZALO BABUNGAZE E-ARTIZEN LOUNGE
BABUNGAZE ngentokozo ukuhlabana ngendondo kumaSouth African Film and Television Awards (Safta), abalingisi boZalo olukhonjiswa phakathi nezinsuku kwi-SABC 1.
Lo mcimbi ubuseArtizen Lounge, KwaMashu ngoLwesihlanu ntambama. Kulo mcimbi obugabise ngezintandokazi zabalingisi bawo, bekukhona uThandeka Dawn King odlala indawo kaMangcobo, UMasoja Msiza olingisa uNkunzi, uKhaya Dladla olingisa uGC, nomlingisikazi osemnkantshubomvu, uBaby Cele yena olingisa indawo kaGabisile.
UDawn King ethula inkulumo yosuku, uthe kuyamthokozisa ukusebenza nabantu abazinikelayo njengozakwabo. Uthe lokhu kumenza azizwe esendaweni efanele. Ubagqugquzele ukuba bangawehlisi umfutho abanawo njengoba bebonakala behamba phambili.
Khona manjalo uMasoja Msizi uhhaye inkondlo naye egqugquzela ubunye nokubambisana ethimbeni labo. Lo mcimbi ubungandile kakhulu ngezinkulumo kuphela, kodwa abekhona namaciko okubalwa kuwo oDJ abadumile abebenandisa.
Amanye amaciko abekhona nguDJ Bhunu Brill, uKanye noDJ Afro B. masuku@ilanganews. co.za