NGABE WUSUKU LWAKHO LOKUZALWA NAMUHLA?

NAKUBA umqondo wakho uphapheme kodwa kukhona okungase kuwudunge. Kukhona okungase kukushiye unemibuzo. Ziveze uqotho kulabo osondelene nabo. Ungakulibali ukuthi unamandla ngaphezu kwezinkinga zakho.

ARIES (March 21-April 19)

INGQONDO yakho ijiye kakhulu. Uma amaphutha owabukela phansi ungawalungisi yiwona angase akufake enkingeni. Gwema ukukhuluma kakhulu kodwa kumele kugqame izenzo.

TAURUS (April 20-May 20)

ZITSHELE ukuthi ubumnandi bempilo buncike emicabangweni onayo. Isikhathi sisebenzise ngendlela ezokunika inzuzo. Kunezinsolo ongaba nazo ngomunye oxhumene naye.

GEMINI (May 21-June 21)

KUNEMIBONO emihle onayo ethinta kakhulu ezamabhizinisi. Izinhlelo ozonamathela kakhulu kuzona zizodinga ukuba uxhumane nabantu abanolwazi. Unesibindi kodwa ubuye uhlehlise izinhlelo zakho.

CANCER (June 21-July 22)

UNEMIBUZO eminingi ngekusasa lakho. Ungaba neqhaza elimqoka kakhulu ekusizeni labo abaseduze kwakho. Uzibona sengathi ubhekene nesimo sokusolwa ngabathile.

LEO (July 23-August 22)

NCIPHISA isikhathi esingadingeki nabangani. Zonke izinhlelo zakho kudingeka uzisukumele. Impilo uma kumele ibe wumzabalazo kumele uzabalaze ngempela.

VIRGO (Augt 23-Sept 22)

UZOBA nezinhlelo ezahlukene ezithinta uhlobo lwempilo ofisa ukuyiphila kusasa. Qiniseka ukuthi umqondo wakho useqophelweni eliphakeme lobuhlakani ukuze ukwazi ukuthatha izinqumo ezinobuhlakani.

LIBRA (Sept 23-Oct 22)

UNOBUHLAKANI kanye nobungani. Ungalibuki imuva nomonakalo walo kodwa buka ikusasa ngamehlo ethemba. Izinkolelo ezinhle ngekusasa lakho yizona okumele uhlale uzisekile.

SCORPIO (Oct 23-Nov 21)

GXILISA amandla akho kulokho okuyisisekelo sekusasa lakho. Uma usebenzisa inkani yakho ungabuvikela kalula ubuhlakani bakho. Uyobe usisebenzise kahle isikhathi sakho uma ungabalibali abawusizo kuwena.

SAGITTARIUS (Nov 22-Dec 21)

KOKUNYE uzibambezela wena ngokungathathi izinqumo ngesikhathi esifanele. Unobuchule ezinhlelweni ezithinta ukwenza imali. Njengamanje kukhona oziduduza ngakho ezinkingeni onazo.

CAPRICORN (Dec 22-Jan 19)

UKUXHUMANA nezinhlobo eziningi zabantu kuzokwenza umqondo wakho uswabuluke. Uzozama ukukhuphula izinhloso zakho zibe sezingeni eliphakeme.

AQUARIUS (Jan 20-Feb 18)

UKUNYAKAZISA umzimba kungakuvuselela kakhulu emandleni akho. Kuzodingeka ukholelwe ezinqumeni zakho nokuthi zizokuthatha lapho ukhona zikuse phambili.

PISCES (Feb 19-March 20)

UMA kunesidingo esiphuthumayo okumele usifeze, kuzodingeka ubuke imiphumela kuqala. Uyathanda ukuba uthando lwakho lube nezinongo ezahlukene. Uvalo obelukuhlupha lungancishiswa wukuqhamuka namasu.