Umndeni ushaqekile ngemibiko ngoZimdollar

Ngokomndeni wakwaXulu, uZimdollar usengumakoti wabo

USASHAQEKILE umndeni wakwaXulu, lapho kuganele khona umsakazi woKhozi FM, uZimiphi "Zimdollar" Biyela ngemibiko yokulotsholwa kwakhe ebisabalele kwabezindaba ngeledlule.

Ngeledlule kuvele ukuthi uZimdollar uselotsholwe nguMnu Sbongeleni Dlamini ongusomabhizinisi, kanti kunomunye usomabhizinisi onguMnu M z wandile Zondi okubikwa ukuthi usezinhlelweni zokumlobola. Lezi zindaba ziwushaqisile umndeni wakwaXulu kwazise ngokwazi kwawo, lo msakazi usengowakwaXulu.

UNkz Lindi Xulu, ongudadewabo womyeni kaZimdollar, owale waphetha nemininingwane yomfowabo ngoba ethi isamphethe kabi le mibiko yokulotsholwa kwalo msakazi - ekhuluma ne

LANGA uthe bona bebengakatshelwa lutho ngalezi zindaba.

“Ngikhuluma nje, umuzi kaZimdollar ngowakwaXulu, akukho okunye esisabikelwe ngakho,” kusho yena.

Uthe basazolinda umakoti wakwabo abachazele ngale mibiko esabalele. “Ngokwazi kwethu konke kusahamba kahle phakathi kukamfowethu noZimdollar njengoba uma ebuyile eThekwini, ubuyela khona ekhaya kwaXulu,” kusho uNkz Xulu obekhuluma ngocingo nezintatheli ebezizifikele mathupha kwaXulu, eShowe. Ngesikhathi ILANGA lifika kwaXulu, lifice kugcwele izingane okuyizona ezilixhumanise noNkz Xulu ngocingo. ILANGA selikulo muzi, uZimdollar ufonile ebuza amagama ezintatheli ezikhona, maqede wanxusa izingane ukuba zingaphawuli lutho kepha zixhumane noNkz Xulu.

NGUZIMIPHI Biyela okusabalele kwabezindaba ukuthi uselotsholwe ngusomabhizinisi othile.

IZITHOMBE NGU: SANDILE MAKHOBA WUMUZI okuthiwa ngokaZimdollar olapho eganele khona kwaXulu.

UBECHAZA aze aneke izandla uNkk Biyela ekhuluma ngokudideka mayelana nemibiko ethi indodakazi yakhe uZimiphi iyalotsholwa kwenye indawo, kwazise yena uyazi iwumfazi womuntu.