UMNU ZIKALALA MAKAME ECELENI NGOKUHLELWA KWENGQUNGQUTHELA
MHLELI: kunesihloko esithi “Kugqame uqhekeko kweye-ANC”, ngomhla ka-11 kwephezulu. Kangilona ilungu le-ANC, kodwa lapho ngisonta khona ngokombusazwe ngafundiswa uku-ngabandlululi.
Ngakho nginombono engicabanga ukuthi ungabasiza abafowethu nodadewethu. Nangale nje kwalokho, abanye bethu abanamanxeba empi yethu sisodwa njengabantu abamnyama, siyalazi iqiniso lesisho sase-Afrika esithi nxa kulwa izindlovu ezimbili kazikhethi ukuthi luhlobo luni lotshani obuqothukayo. Kwakube yiphutha elikhulu kwasekuqaleni ukuba ikomidi lesikhashana lokuhlela ingqungquthela yokhetho liholwe ngumuntu okusolwa ukuthi uyathinteka oqhekekweni - uKhuzeni (uMnu Sihle Zikalala). Umbono wami-ke ngiwubhekise kuyena uKhuzeni ukuba makase- benzise ubuhlakani beNkosi uSolomon owathi ingane mayehlukaniswe phakathi. Lokho kwenza ukuba kuhlale obala ukuthi ngubani oyikhathalele ngempela ingane, onezinseka. Ngithi uKhuzeni makazinikele yena ukuba ame eceleni kuzona zonke izinhlelo zokwenziwa kwengqungquthela yokhetho egameni lokuthula ezweni.