IFU ELIMNYAMA KUBHUBHA UMQEQESHI WAMAHHASHI
YEHLELWE yifu elimnyama indima yezamahhashi kubhubha omunye wabaqeqeshi, uLoen Erasmus, ( osesithombeni) obhubhe engozini yemoto ngeSonto esiphuma kulona.
U-Erasmus uzokhumbuleka njengomunye wabaqeqeshi abaqavile kanti phakathi kwamahhashi aseke wawaqeqesha kubalwa u-Abstracter noLittle Hampton. Uqale ukuqeqesha amahhashi ngeminyka yama-1990 kanti ubeqeqesha amahhashi ngaphansi kwesitebela sikaTL Steyn noNic Classen. Ushiye ngemuva umkakhe uMarie, namadodana uDavid noJohan nendodakazi uTharien. Amalungiselelo omngcwabo abengakadalulwa.