URONALDO UHLIKIHLE USAWOTI
UCRISTIANO “CR7” Ronaldo ( osesithombeni) uhlikihle usawoti enxebeni elibhibhayo lase-Afrika ngesikhathi iPortugal iguqisa iMorocco ngo-1-0 emdlalweni wesibili kaGroup B emqhu-delwaneni weNdebe yoMhlaba izolo ngoLwesithathu ntambama eRussia.
IMorocco bese ihlulwa okwesibili kulo mqhudelwano njengoba kowokuvula ihlulwe yi-Iran ngomphumela ofanayo.
IMorocco ibukeka ilandela i-Egypt ehlulwe yiRussia ngo3-1 ngoLwesibili ngokuba sendleleni ebuyayo kule midlalo.
Usizi olulethwe nguRonaldo e-Afrika, lwandise isibalo samagoli akhe njengoba esenamane. Uvalele amathathu bebambana ne-Spain ngo-3-3 ngeledlule. Lo mdlali usevalele amagoli kuyona yomibili imidlalo asayidlalile kulo mqhudelwano, kanti kulindeleke ukuba senyuke isibalo samagoli akhe.
IPortugal izovala imidlalo yamaqoqo ne-Iran ngoMsombuluko ngo-20h00. IMorocco yona izovala neSpain.
IPortugal isizibekisele indawo esigabeni se-last 16
IBRAZIL IMINCILE NGESILOMO SAYO
BASONGA ngokuphoxa iBrazil abadlali beCosta Rica abaqhathwe nayo kusasa ngoLwesihlanu ngo-14h00 kowesibili kaGroup E kwiNdebe yoMhlaba eqhubeka eRussia.
ICosta Rica iwuvule kabi lo mqhudelwano ihlulwa yiSerbia ngo-1-0, kanti neBrazil ivule kabuhlungu ibambana neSwitzerland ngo-1-1. Womabili la mazwe adinga amaphuzu aphelele ukuzigcina ekulo mqhudelwano. IBrazil iye kwiNdebe yoMhlaba ibalwa namazwe asethubeni lokudla ubhedu ngenxa yokubophela ukhilimu wesikwati. Ngaphezu kwalokhu, iBrazil ikwazi kahle ukunqoba iNdebe yoMhlaba njengoba isidle kulo mqhudelwano. Leli lizwe lize kulo mqhudelwano lihambela phezulu ngemuva kokudla ubhedu kwi-Euro 2016 eFrance. IPortugal ihlule iFrance ebingosokhaya ngo-1-0 kowamanqamu.
I-Iran ilolongwa nguCarlos Queiroz wasePortugal. Lo mqeqeshi nguyena obecija iPortugal kwiNdebe yoMhlaba ebikuleli ngo-2010. UQueiroz uke walolonga ubhedu amahlandla ayisihlanu. Igcine ukuqukula le nkomishi ngo-2002 ihlula iGermany ngo-2-0 kowamanqamu.
UBryan Ruiz ongukaputeni weCosta Rica, utshele abezindaba ukuthi bafuna iBafana Bafana eyibuka komabonakude iNdebe yoMhlaba yanonyaka ngemuva kokushaya udaka emidlalweni yokuhlunga.
Ubhedu ludliwe yiSenegal eqoqweni ebelineBafana Bafana exoshe u-Ephraim “Shakes” Mashaba obenza kahle kweyokuhlunga, yaqasha uStuart Baxter osabukeka edidwa yizinduku kulesi sigqiki. ukuphoxa iBrazil kusasa kwazise nabo baphoxeke kabuhlungu behlulwa yiSerbia kowokuvula.
UPhilippe Coutinho ovalele igoli leBrazil koweSwitzerland, uthe balindele umdlalo onzima kwiCosta Rica. Uthi imidlalo yeqoqo labo ilukhuni yonke. Lo mdlali uthi bahlele ukumelana nanoma ngabe yiliphi iqhinga iCosta Rica ezofika nalo kubona.
IBrazil imincile njengoba uNeymar ( osesithombeni) oyisethenjwa sayo, ephume ejimini exhuga ngoLwesibili. Lo mdlali ubuya ekulimaleni, obekwenza kungabazeke ukuthi uzokuba yingxenye yemidlalo yeNdebe yoMhlaba.