IMIHLANGANO YOMPHAKATHI NGE- IDP NESABELOMALI SIKA- 2018/ 19
UMKHANDLU waseZululand wakhelwe ngoMasipala baseKhaya abangu-5, okuwuLundi Local Municipality, Nongoma Local Municipality, Dumbe Local Municipality, Abaqulusi Local Municipality nePhongola Local Municipality. UMkhandlu uhambele umphakathi wakulezi zindawo ngenyanga kaMeyi ukuyokwethula isabelomali sonyaka ka2018/19. Izinhlelo zahamba kanje: Zululand District Municipality Business Fair Usuku: 23 June 2018 Indawo: Abaqulusi, Cecil Emmert Okokuqala ngqa umkhandlu waseZululand ube ne Business Fair lapho bekuhlangene khona osomabhizinisi abakhele lo mkhandlu ukuzokhombisa ngemisebenzi abayenzayo emabhizinisini abo. Lokhu kuhlelelwe ukukhuthaza osomabhizinisi ngemisebenzi abayenzayo kanjalo nokuthi bakwazi ukuzimaketha.
Bekukhona osomabhizinisi abenza izingqoko, abathengisa ngezingubo, abakha amatshe amathuna, abathengisa ngezitshalo (abalimi), abathengisa ngemisebenzi yezandla (amahawu, amabheshu, ubuhlalu bokuhloba nokunye). Kunandise izitshudeni zaseNdonsa Arts and Craft Centre (okuwuhlelo oluqalwe wumkhandlu iZululand). Banikwe ithuba ukuze bazibonkalise emphakathini futhi bathole nesigcawu sokukhombisa ngamakhono abo.
Lo mcimbi ubuhanjelwe yiMeya yoMkhandlu Zululand, uKhansela Thulasizwe Buthelezi. Enkulumweni yakhe ukuthaze osomabhizinisi ukuthi basebenze ngokuzimisela ukuze amabhizinisi abo akhule, bakwazi nokuvula amathuba emisebenzi kubantu abasha. Ubakhuthazile ukuba basondele emkhandlwini ukuze basizakale lapho umkhandlu unamandla okubasiza khona. Ucacisile ukuthi eyokuqala le Business Fair kodwa ufisa ibe minyaka yonke futhi ikhule ibe nosomabhizinisi abaningi ababukisa ngemisebenzi yabo. Umhlonishwa, iMeya Thulasizwe D. Buthelezi, uveze ukuthi isabelomali salo nyaka siye sehla kakhulu kuleso sangonyaka wezimali ka-2017/18, isabelo sehle ngemali engango R267 702 790.00, lokhu okubaphatha kabi kakhulu ngoba izidingo zomphakathi ziningi futhi akukho zizathu eziphathekayo mayelana nokwehliswa kwalesi sabelomali. Uthe ngonyaka ka2017/18 uhulumeni wababela imali eyinani lika R1,3 billion, kanti kulo nyaka babelwe imali engango-R1 032 297 210.00. IMeya ikucacisile ukuthi ingxenye ethile yalesi sabelomali izosetshenziselwa ukuletha amanzi kanjalo nokuthuthwa kwendle. Ithe lokhu kuyizidingongqangi ezi- bhekene ngqo nomkhandlu.
UMntwana uM.G. Buthelezi onguholi weqembu leNkatha Freedom Party wethamele le mihlangano yomphakathi (Road Shows) eDumbe, Okhukho kanjalo nakwaNongoma. Lokhu kukhombise ithemba analo kubuholi obukhona emkhandlwini. Ezinkulumeni zakhe zonke ubegxile ekutheni ubuholi obukhona abulwe nenhlese yenkohlakalo ebisiqale ukuvela emkhandlwini. Wabalula ukuthi wonke umuntu othanda iNingizimu Afrika futhi ofuna ukubona abantu abanyama bephumelela kumele alwe nenkohlakalo. Kuzo zonke izindawo ezazihanjelwe yiMeya, umphakathi wasemukela nge- nhlokomo isabelomali, wakujabulela futhi nokuthi iMeya ibeke phambili izinhlelo ezithinta intsha, abesifazane nalabo abaphila nokukhubazeka. IMeya yakugcinzelela ukuthi intsha mayizimisele futhi ingahambeli kude, kodwa isondele emkhandlwini ukuze ikwazi ukuthola usizo kwezemidlalo, ezamabhizinisi nokunye ukungaba imizamo emihle yokulwa nobubha kanye nobugebengu emphakathini. Mayelana noHlelo Oludidiyele Lwentuthuko (IDP), iMeya ikucacisile ukuthi lusebenza ngokuhambisana nalezo zomasipala abancane, ukuze kuqinisekiswe ukulethwa kwentuthuko ngokushesha nangokubambisana.