ZIWINELE IHOLIDE NELANGA
Ayabahlasela belele abathele ngesibhaxu
IPHEPHANDABA ILANGA ngokubambisana nesikhondlakhondla senkampani yezamahhotela, iVaczone, bakunika ithuba lokuziwinela indawo yokulala ngamanani aphansi emahhotela ehlukene enganyelwe yile nkampani, okuhlanganisa nezindawo zokuphumula nezokungcebeleka KwaZulu- Natal
NgoNtulikazi (July), abafundi bephephandaba ILANGA bazohlomula ngamanani ehlisiwe.
Abantu ababili abadala bazoba nobusuku obubili ehhotela lakwa-Oceanic, eThekwini ngohlelo lokuzihlinzeka ngokwabo okuya ngasethunjini ( self catering).
Bheka ikhasi elinomncintiswa- so onomklomelo wokuzuza ithuba lokulala ngokuzihlinzeka kokuya ngasethunjini ehhotela I-Oceanic - abantu ababili abadala - neminye imiklomelo engaphezulu kuka-R10 000.Maqondana nemininingwane egcwele nezinye izipesheli, vaka-shela kule website: www.vaczone.co.za
UHLELI lubhojozi umphakathi waseMaswazini, eBergville ngokuvinjezelwa "ngamaphoyisa" okubikwa ukuthi awuhlasela ngesibhaxu efuna izibhamu.
Kubikwa ukuthi ngesonto eledlule kugasele abantu abazibize ngamaphoyisa emizini engaphezu kwemithathu kule ndawo bephethe izibhamu, bavulela ngenduku.
Umthombo weLANGA uthi kunomkhuba wokulahleka kwezinkomo eMaswazini, kunezinsolo zokuthi izigebengu zisebenzisana namaphoyisa. “Bengifike ekhaya ngoba ngiyobheka inkomo elahlekile. Phakathi kwamabili ebusuku kwatheleka amaphoyisa ethi azofuna isibhamu.
"Uma ngiwatshela ukuthi kasikho isibhamu lapha ekhaya, avele avulela isibhaxu,” kusho umthombo. UMnu Mzophethe Mabaso, ophila nokukhubazeka, uthi ngoMgqibelo ebusuku uthelekelwe ngabantu abebegqoke umfaniswano wamaphoyisa, bathi bathunywe ukuyolanda isibhamu.
Uthi bafike bakhahlela isicabha bengena. “Bangimemeze ngegama bathi mangivule, bafuna isibhamu. Kuthe uma ngivula, bathi ngo-2016 ngangiphethe isibhamu ngesikhathi kunempi endaweni, bazolanda sona. "Uma ngibatshela ukuthi kangikaze ngibe naso, bavele bangishaya, bengikhahlela ngisho emlenzeni engikhubazeke kuwona,” kusho uMnu Mabaso.
Uthi la maphoyisa abelinganiselwa ku-10, ehamba ngezimoto ezimbili. Utshele ILANGA ukuthi ngesikhathi emshaya, ashilo nokuthi athunywe ngubani futhi nguyena othe kunesibhamu.
“Abephethe nephepha efunda kulo, ebuza amagama abanye abantu balapha endaweni. Okungiphathe kabi wukuthi bangishaye baze bangimboza ngoshekhasi omnyama, bengiqhuba bengifaka emotweni bahamba nami baze bayongilahla esigangeni phakathi nobusuku.
"Lokhu kwenzeke silele sibaningi endlini nezinye izinsizwa zakwenye indawo ezifike lapha ekhaya ngokuzokwakha indlu,” kusho uMnu Mabaso. Uthi ngesikhathi eshaywa, laba abebemshaya bebekhuluma nabanye abantu komakhalekhukhwini abebechaza ukuthi makushaywe onjani. Kubikwa ukuthi nezinombolo zezimoto ebezihamba la maphoyisa akusizona ezaseBergville.
Okhulumela amaphoyisa KwaZulu-Natal, uCapt Nqobile Gwala, uthe kuvulwe icala esite- shini samaphoyisa eWinterton ukuba ngezinsolo zethimba lamaphoyisa elishaye abantu lihlome ngezibhamu.