IZINKINGA KOBEYOZAMA INHLANHLA KWI-CHIEFS
Umiswe nguSolinas ukuziqeqesha neziMpofana
UBHEKENE nengwadla yesikweletu esimhleli entanyeni umdlali olaxaze umsebenzi esanda kuthenga unyanyavu lwemoto. IChippa United imemezele ukuthi ligqabukile igoda ebeliphakathi kwayo no-Ayabulela Konqobe ( osesithombeni) obedlala emuva kule kilabhu kaSiviwe “Chippa” Mpengesi. Kuthiwa iChippa ibifuna ukubuyekeza inkontileka yakhe ikhala ngokuthi uhola kakhulu kunangendlela adlala ngayo.
Lo mdlali kuthiwa uvele wanquma ukushiya ngokuthula kwiChippa, wacela iphepha elimkhulula ukuba ajoyine noma iyiphi ikilabhu. UCASULWA ngamakilabhu agijima kwi-Absa Premiership awasola ngokufaka unyawo lwedada umsebenzi wakhe uSimo “Govuza” Dladla ongumqeqeshi weReal Kings eguqiswe ngamaZulu FC
Ngeledlule kusabalale imibiko ethi lo mdlali ujima neKaizer Chiefs. Nokho kuthiwa uzulelwe yikhanda iChiefs imumisa ukujima nayo.
Kuthiwa umqeqeshi weChiefs, uGiovanni Solinas, uthe akamuzwisisi kahle, ucela ame ukujima, uzomubiza uma kuwukuthi kayiphumeleli imizamo yakhe yokubuyisa uLorenzo Gordinho obolekiswe kwiBloemfontein Celtic.
“USolinas akamuzwisisi kahle, akamuboni eyilolu hlobo angathembela kulona emidlalweni enzima. Umubona lungakaqini kahle ukhakhayi lwakhe ukuthi angadlalela ikilabhu enkulu njengeChiefs. Njengamanje lo mfana uphithene ikhanda ngoba ngo-4-2 wamaphenathi kwi- semifinal yeKZN Premier’s Cup izolo ngeSonto ekuseni eKing Zwelithini Stadium, eMlazi. amakilabhu amaningi aseqedile ukusayinisa abadlali.
“Into emphathisa ngokhwantalala wukuthi usanda kusika unyanyavu lwemoto yohlobo lweMercedes Benz ayikhokhela u-R14 000 zinyanga zonke. Uma kuwukuthi ugcina ngokungawutholi umsebenzi kuzokuba nzima ngoba kwiChippa udube kwamali efuna ukuba imkhulule,” kusho umthombo osipotshozele lolu daba.
Imizamo yokuthola uKonqobe ukuba aphawule ngalolu daba iphunzile njengoba ucingo lwakhe belukhala kodwa engalubambi.
UVina Maphosa wezokuxhumana kwiChiefs, walile ukuphawula ngalolu daba wathi umsebenzi wakhe wukuphawula ngabadlali beChiefs kuphela.
UMQEQESHI UCASULWA NGABESHELA ABADLALI BE-REAL KINGS
Umdlalo ubuphele zibambene ngo-1-1. UMhlengi Cele nguyena ovule inkundla eshayela uSuthu igoli kulo mdlalo kodwa lacinywa nguPapy Faty weKings.
UDladla obebonakala ukuthi akaphathekile kahle emuva kwalo mdlalo, uzwakalise ukunengeka yisenzo samakilabhu agijima kwiAbsa Premiership athi ashela abadlali bakhe isinyenyela.
“Kayingiphethe kahle neze le nto eyenziwa yila makilabhu agijima kwi-Absa Premiership, asihamba ngemuva ashela abadlali bami.
"Akusikho ngoba singafuni ukubadedela, inkinga sesihambe ibanga elide silungiselela ukuqala kwesizini, le nto iyaphazamisa. Kodwa-ke sizozifuqa ngoba siyazi ukuthi sihloseni ngale sizini.
“Sifuna ukuyinqoba le ligi kumbe silale endaweni yesithathu ukuze singene kuma- play-off okulwela ukunyukela esigabeni esikhulu. Asifuni okungaphansi kwalokho,” kusho uDladla.
Limubuza leli phephandaba ukuthi yibaphi laba badlali bakhe abafunwayo futhi bafunwa yimaphi amakilabhu, uthe ngeke akwazi ukuwadalula kungcono athule.
Nokho leli phephandaba lithole ukuthi abadlali bakhe abayinyama emakilabhini ePremiership nguRicardo Goss noNkosingiphile Phewa okuthiwa bafunwa yiBidvest Wits. NoLindokuhle “Maleven” Mtshali odlala esiswini kuvela ukuthi ufunwa wuxhaxha lwamakilabhu.