Akukho okudlula ubisi lwebele 6. UKUBONA KAHLE
IZINSUKU eziwu-7 zokuqala kukaNcwaba (August), ziyisonto lokufundisa ngokubaluleka kokuncelisa umntwa- na.
Nakuba kulezi zinsuku isimo somnotho siphoqa ukuba abesifazane baye emsebenzini, nokho ukwazi ngamaphuzu ashiwo lapha kungamsiza ekuthini owesifazane ayikhuthalele indaba yokwenza ithuba lokumncelisa umntwana ngisho engayeswele imali yokuthenga ubisi lwebhodlela.
AbeWorld Health Organization (WHO), sebalimisa ngesihloko elokuthi ukuncelisa umntwana yinto enhle ukuzedlula zonke unina angayipha umntwana wakhe.
Ngokunjalo ne-American Academy of Paediatrics ikuncoma kakhulu ukuncelisa umntwana izinyanga zokuqala eziwu-6 ezelwe ngoba lokho kunemiphumela yesikhathi eside empilweni nasekukhuleni komntwana.
IZABA
Nakuba isimo sempilo yanamuhla sidala ingcindezi yokuba kusebenze nabesifazane abancelisayo, nokho ukukhama ubisi lubekwe efrijini bese kuthi nxa seludingeka, unina noma umbheki wengane alukhiphe, kubalulekile. Uqala ngokulufudumeza ngokufaka amanzi abilayo enkomishini bese ufaka ibhodlela ezinalolo bisi obelusefrijini.
Ungalokothi ulufudumeze nge- microwave.
Amaphuzu awu-10 obumqoka bobisi lukanina enganeni: 1. UKUNCELISA KUYELEKELELA EKUKHULENI KOMNTWANA
Ubisi lwebele lunengxube ephelele nelingene kahle ( perfect combination) yezakhamzimba ama- protein, amafutha, amavithamini nama- carbohydrate ezisiza umntwana ukuba akhule ngendlela efanele.
Kanjalo nezakhamzimba nezithako zemvelo zempilo eziba sobisini lukanina, zenza lube wukudla okuhle kakhulu kumntwana osanda kuzalwa.
Phela ama- protein obisi lukanina acoliseka kalula futhi avikela umntwana ekuhlaselweni yizifo kalula. Kunjalo nje nakwi- calcium edingeka ekukhuleni kwamathambo aqinile namafutha adingeka ebuchosheni, emehlweni nasekusebenzeni kohlelo lwemizwa.
2. LUKHUTHAZA AMASOSHA OMZIMBA
Ukwalana komzimba nezinhlobo ezithile zokudla, ukuvumbuka kwesihlungu ( eczema) nephika ( asthma), kakuvamile ukuhlupha abantwana abancelisiwe okungenani izinyanga ezine. Lokhu kungenxa yesithako esibizwa nge- colostrum esisobisini oluphuma ezinsukwini zokuqala eziwu-5.
Lolu bisi olunamafutha amancane nesakhamzimba i- protein eningi, lunomphumela omuhle ohlelweni lwemizwa yomntwana osemncane. Lwenza umntwana agomeke ezinhlotsheni eziningi zamagciwane ne- bacteria.
3. UKUKHALIPHA
Sekutholakele ukuthi umntwana onikwe ithuba lokuncela ubisi lukanina uyakhalipha ukudlula owondliwe ngobisi lwebhodlela. Ubisi lwebele lunezakhamzimba ze- protein ezikhuthaza ukukhula kobuchopho.
4. UKUFA ISIGUBHUKANE
Ubisi lwebele lunciphisa ingozi yokufa izigubhukane okubizwa nge- sudden infant death syndrome (SIDS), okwenzeka kubantwana abangaphansi konyaka ubudala nokuvamise ukuba ingatholakali imbangela yakho.
Ucwaningo olushicilelwe yiJournal of Paediatrics ngo-2009, lubika ukuthi le ngozi yehla ngesilinganiso esingaphezulu kuka50% kumntwana oncela ubisi lukanina. Kuthiwa abantwana abancela konina baphaphama kalula ebuthongweni - okubavikelayo kule mpicabadala eyiSIDS.
5. INGOZI YOMDLAVUZA IYANCIPHA
Ukuncelisa umntwana kuyakhuthazwa ngoba kunciphisa ingozi yokuhlaselwa wumdlavuza kubantwana nakonina abancelisayo.
Ucwaningo olwenziwa ngo-2008 lwashicilelwa kuyo futhi iJournal of Paediatrics and Child Health, luveza ukuthi ukugomeka kuyaqina ngokwethuba lokuncela kunina umntwana alitholayo.
Muva nje, ucwaningo olwenziwe ngo-2015 olushicilelwe yi-Acta Paediatrica luthole ukuthi ukuncela komntwana kunina adlule ezinyangeni eziwu-12, kuhambelana nokuncipha kwengozi yokuvela komdlavuza webele nalapho kwakheka khona imbewu yenzalo (ovaries). Ukuncelisa umntwana ubisi lukanina kunciphisa ingozi yokuqundeka kwamehlo okungaholela ekuthini kube nesidingo sokufaka izibuko nxa umntwana ekhula.
Ucwaningo olwenziwe ngo-2007 okuqhathaniswe kulona abantwana abancela konina nabanikezwa ubisi lwebhodlela, kutholakale ukuthi abantwana abancela ubisi konina, amehlo abo abebona kangcono kunawalabo abancele olwebhodlela.
Ubisi lwebele luyasiza ekugomeni amehlo angahlaseleki kalula yizifo zamehlo.
7. UMGUDU WOKUDLA OSEBENZA KAHLE
Abantwana abncela konina iyancipha kubona ingozi yokuhlaselwa yisihudo nokuqunjelwa.
Isilinganiso esihle sezakhamzimba esisobisini, senza umntwana abe nohlelo lomgudu wokudla olusebenza kahle futhi nesilungelela esimenza abhaqaze, siyancipha koncela kunina kunonikezwa ubisi lwebhodlela.
8. UKUNCELISA KUSIZA UNINA EKWEHLISENI ISISINDO SOMZIMBA
Kuthiwa ukuncelisa kuyasiza ekuthini kushe ama- calories namafutha agcineke emzimbeni, ngaleyo ndlela kwehle isisindo esenyuke ngesikhathi owesifazane ezithwele. Lokhu kwenzeka ngaphandle kokuzikhathaza ngokulandela indlela ethile yokudla.
9. IMIHLATHI NOMGUDU WOMOYA
Ukuncelisa umntwana kusiza ukuba imihlathi yakhe nezicubu zomgudu womoya kukhule kahle.
Ukuncelisa umntwana izinyanga ezine kuya kweziyisihlanu kunciphisa ingozi yokuba abenenkinga ebizwa nge- malocclusion, okusho ukukhula kwemihlathi ngokushiyana.
Kunciphisa futhi nengozi yokubolelwa komntwana ngamazinyo ngenxa yokuncela ibhodlela ( bottle tooth decay).
10. KUNCIPHISA INGOZI YESIFO SIKASHUKELA
Ukuncelisa kunciphisa ingozi yokungenwa yisifo sikashukela kumntwana nakunina!
Sekwatholakala ukuthi isifo sikashukela siholela kwezinye izinkinga njengesifo senhliziyo, ukulimala kwezinso, ukukhondama kwamehlo, nezinkinga zesikhumba.
Ngo-2007 iDiabetes Voice ishicilele imiphumela yocwaningo ebinesiphakamiso esithi ukukhuthazwa kwabesifazane ukuba bancelise kungaba nomphumela omuhle kuzo zombi-li izinhlobo zesifo sikashukela, iType 1 ne Type 2.