U-RAMOS UGXEKA U-CRISTIANO RONALDO
USERGIO Ramos ongukaputeni weReal Madrid yaseSpain ukhwele wadilika kuCristiano “CR 7” Ronaldo wasePortugal osanda kujoyina iJuventus yase-Italy esuka kwiMadrid.
URonaldo usanda kuphumela obala ngokuthi isimo besibuye sibe muncu ekhempini yeMadrid. Uthi kwesinye isikhathi bekungahelezi umoya wobunye kule kilabhu esinqobe i-Uefa Champions League amahlandla amathathu kulandelana.
Le nkulumo imcasulile uRamos, okuholele ekutheni ayiphendule.
“Siwumndeni obumbene kabi kule kilabhu. Lokhu kufakazelwa yinqwaba yezinkomishi esesizinqobe ndawonye. Akumele-ke umuntu azenze ngcono ngekilabhu nxa eseshiyile kuyona.
"IMadrid inkulu kunabo bonke abantu asebeke bayidlalela. Le kilabhu isidlalelwe ngabadlali abaningi abahlonishwayo emhlabeni. Bayafika futhi bayahamba nxa sekufike isikhathi, kodwa ikilabhu isalokhu imile. Kuningi esisafuna ukukuzuza nale kilabhu, ngakho-ke ngeke sikuvumele ukuthi kube nomuntu ozokhuluma kabi ngayo. Kube buhlungu ukushiywa nguRonaldo lapha ekilabhini ngoba ungumdlali wezinga eliphezulu. Nokho-ke sesikwamukele ukuthi usehambile. Kungaba ngcono ukuthi umqondo wakhe ugxile kakhulu kwiJuventus asedlala kuyona kunokuba akhulume kabi ngeMadrid,” kusho uRamos
IMadrid izovula imidlalo yeSpani- sha La Liga ngokubhekana neGetafe ngeSonto ngo-22h15.
Isiyonke imidlalo yokuvula isizini entsha yeSpanish La Liga ihlelwe kanje: KUSASA NGOLWESIHLANU Girona vs Real Valladolid 20h15. Real Betis vs Levante 22h15. NGOMGQIBELO Celta de Vigo vs Espanyol 18h15. Villarreal vs Real Sociedad 20h15. Barcelona vs Deportivo AlavÈs 22h15. NGESONTO Eibar vs Huesca 18h15. Rayo Vallecano vs Sevilla 20h15. Real Madrid vs Getafe 22h15. NGOMSOMBULUKO Valencia vs AtlÈtico Madrid 20h00. Athletic Bilbao vs LeganÈs 22h00. Imidlalo ye-English Premiership kule mpelasonto ihlelwe kanje: NGOMGQIBELO Cardiff City vs Newcastle United 13h30.
Leicester City vs Wolverhampton Wanderers 16h00. Everton vs Southampton 16h00. West Ham United vs AFC Bournemouth 16h00.
Tottenham Hotspur vs Fulham 16h00. Chelsea vs Arsenal 18h30. NGESONTO Manchester City vs Huddersfield Town 14h30. Burnley vs Watford 14h30. Brighton & Hove Albion vs Manchester United 17h00. NGOMSOMBULUKO Crystal Palace vs Liverpool 21H00.