DKT NHLAKANIPHO GUMEDE
Kuyenzeka ukuthi i- prostate cancer ube nayo kodwa wena ungaboni ngisho uphawu olulodwa. Kubalulekile ukuba sazi ukuthi uma ngabe sesibona izimpawu kuyilapho lesi sifo sisuke sesihambe khona kakhudlwana.
Mhlawumbe izimpawu ongaziqaphela kungaba yilezi:
Umchamo ungaphumi ngendlela elindelekile, kube lukhuni uze ukhanule ukuze kuzophuma umchamo noma ngabe isinye sigcwele.
Ukuvuzelwa umchamo esithweni sangasese. Ukuchama uchamo onegazi. Ubuhlungu bamathambo. Okubaluleke kakhulu yikho phela ukuba singalindi size sibe nezimpawu zomdlavuza wendlala kuyima sesiya emtholampilo siyothola usizo.
Kunama- test enziwayo asohlelweni lwezempilo. Uma uya emtholampilo noma esibhedlela sikahulumeni kawukhokhi ngisho isenti, uhlolwa mahhala kanti
uma uya kudokotela wakho wangasese kungaba nemali oyikhokhayo ukuhlolelwa umdlavuza we-prostate.
Uhlelo luqhakambisa ukuba indoda eneminyaka engu-40, enomlando wokuba nabantu ababili kubo (uyise noma umfowabo kumbe indodana) bake baba nomdlavuza we- prostate, kumele ahlole njalo ngonyaka noma ngabe akanazo izimpawu.
Uzokwenziwa i-PSA ( Prostate Specific Antigen), ihlolwa kalula nje egazini. Uma ngabe kukhona oyedwa nje kwenu owaba nayo kubafowenu, uyihlo noma indodana, kumele owesilisa oneminyaka engu-45 ahlole njalo i-PSA ngonyaka.
Kuwo wonke amadoda aneminyaka engu-50 kumele kwenziwe le test njalo emuva kweminyaka emibili.
Okumele kungasethusi kakhulu ngale test wukuthi uma imiphumela ibuya iphezulu kusuke kungasho unomdlavuza ngoba kakuwona kuphela ongenyusa le miphumela. Noma ngabe yini ekhukhumalisa i- prostate izokwenyusa imiphumela ye-PSA.
Kuzodingeka ukuba kuqhutshekwe nokuba uhlolwe, kwenziwe isiqiniseko sokuthi ngabe ngempela unawo yini umdlavuza. Kuwo wonke amadoda aneminyaka engu50, kumele ngabe aya kudokotela njalo ngo- nyaka ukuyohlolwa. Lokhu udokotela angakwenza ngokuhlola ukuthi indlala ( prostate) inawo yini amaqhubu.
Lokhu ukwenza ngokufaka umunwe ngemuva ngoba yilapho i- prostate izwakala khona kangcono bese ehlola isimo sayo.
Kukhona neDigital Rectal Examination. Uma ngabe kunamathuba amaningi okuthi owesilisa abe nomdlavuza kumele enze nale test uma eba neminyaka
Lapha sinikeza ngolwazi lwezempilo nje kuphela, uma ngabe kukhona ongakuzwa kahle ungakhohlwa wukuvakashela umtholampilo noma udokotela wakho.
Uma ufisa sikhulume ngesihloko esikhethwe nguwena, ungasibhalela ku- admin@drgumede. com
*