ULANDELA IZINYATHELO ZIKANINA UMAHLASELA
“Lo muntu noma le nkampani ekhiqiza la mabhayi kangiyazi nakancane, sengizame kakhulu ukuyithola. Idla enkulu imali yenu nithenga la mabhayi, ngakho ngithi gcinani ngci kulo nyaka ukuwagqoka.
"Ngizokwenza awami engizonidayisela wona ukuze ngikwazi nokubuyisela kini nginixhase ngemifundaze, nikwazi ukufunda. Engizombona elifakile uzowuchama awuphuze,” kusho iSilo. UPHELELWE ngamazwi ehlonishwa yi-University of KwaZuluNatal ngeziqu zeDoctor of Music ( honoris causa) ngoLwesithathu eWestville Campus, umculi ozakhele igama eNingizimu Afrika naphesheya kwezilwandle, uVusi “The Voice” Mahlasela.
Lokhu kwenzeke emcimbini wokwethweswa iziqu kwabafundi abangaphansi komkhakha iHumanities, oholwa nguSolwazi Nhlanhla Mkhize, oyisekela leshansela kule nyuvesi.
UMahlasela oseke washiyelana inkundla nezingqungqulu zabaculi okubalwa kuzona iLadysmith Black Mambazo, uHugh Masekela (ongasekho), u-Angelique Kidjo waseBenin, uJosh Groban waseUnited States of America (USA) nabanye, uthe kuyintokozo enkulu kuyena ukuhlonishwa yilesi sikhungo ngendima aseyikhathulile njengeciko.
“Kuyangijabulisa kakhulu ukuthi umsebenzi esiwenzayo njengamaciko uyabonakala.
"Ngibonga kakhulu kulesi sikhungo ngokungihlonipha ngibe ngudokotela. Umama wami naye ubengudokotela, kodwa-ke lona wesintu, ngikhule ngimbuka elapha abantu.
"Kuyangithokozisa ukuhamba ezinyathelweni zakhe njengoba ngelapha abantu ngomculo,” kusho yena ehleka.
Uthi njengamanje amaciko abhekene nesimo esinzima njengoba abantu abaningi bengazihluphi ngokuthenga umculo, okungenye yezinto ezenza ukuba uma abaculi abaningi sebeshonile, kuzwakale ukuthi kabanalutho.
“Nginxusa bonke abaseNingizimu Afrika nohulumeni ngokunjalo ukuba babambisane nathi njengamaciko ukuze lo mkhakha wethu uqhubeke nokukhu- la. "Nginxusa nabaculi ukuba bangadikibali noma ngabe babhekene nezingqinamba ezingakanani, kepha baqhubeke bazibambe nje ziqine,” kusho yena.
Uthe nabantu abasha kumele bafunde kulo mculo abawuthatha njengomdala ngoba unothile futhi uyigugu kuleli.
“Sinamaculo ezinto eziningi ezahlukene njengoba kukhona awemingcwabo, kukhona aculwa uma kuna imvula okokuqala, bese kuba ngamaculo aculwa uma kuzalwa ingane namanye ahlukene.
"Umlando wethu kwezomculo unothe kakhulu, ngakho-ke abantu abasha mabangahambeli kude nawo,” kusho yena.
UMahlasela ukhiphe i-albhamu yakhe yokuqala ngo-1992 ethi "When You Come Back".
Le ngoma eyisihloko se-albhamu, ubeyibhalele abangani bakhe abebedingisiwe ngesikhathi sobandlululo.
Le ngoma uyiculile ngo-1994 ngesikhathi kubekwa umengameli wokuqala wentando yeningi kuleli, uMnu Nelson Mandela.
IJaji Mogoeng Mogoeng eliyishansela e-UKZN, nguyena othwese leli ciko iziqu zalo.