THANDI ZONDI:
Lonke uhlobo lwe- diet lugqugquzela ukuba udle ukudla okuyizitshalo noziphekela khona kunalokho okuthengwa kuvele sekulungele ukudliwa noma okusemathinini. Abaningi lokhu kuyabaxaka ngoba kubashiya benomuzwa wokuphelelwa wumdlandla kanti kakunabungozi. Ucwaningo luthi kubalulekile ukuqonda uhlobo lwegazi lakho ukuze ulandele imigomo ethile yokudla eha- mbisana nalo.
Uma unegazi eliwuhlobo u-A no-B kumele unciphise kuma- carbs ngoba vele lolu hlobo lwegazi lunomsoco wawo omningi kunezinye izinhlobo.
Yingakho abanye bengaqondi ukuthi kungani benganciphi yize bezivocavoca noma bedla ngendlela ethile - kanti imfihlo ilele ekwazini ukuthi uluhlobo luni lwegazi.
Luphinde luthi uhambo oluyimpumelelo lokuncipha emzimbeni luqala ngokuqaphela indlela esidla ngayo, esihlela ngayo esikudlayo nokuqaphela ukuthi yini esiyithengayo.
YIBUPHI UBUNGOZI?
Uma unesifo esithile esidinga udle ngendlela ethile kungaba nobungozi ukulandela i- blood group diet. Thola usizo kwidietician ebhaliswe ngokusemthethweni ikakhulukazi uma unesifo sikashukela, inkinga yezinso, isibindi, umdlavuza ama- allergy noma inkinga ethinta ukugayeka kokudla.
Ezinye izindlela zokwehlisa isisindo zenza ushodelwe yizakhamzimba ezithile nomsoco. Njengokuthi uma uyeka ukudla okunedairy kumele uqinisekise ukuthi udla ukudla okunothe nge-calcium. Ngalesi sizathu i- diet efana nalena idinga ube nemikhiqizo ethile ozoyisebenzisa (suppplements).
Ukudla kahle kumele uphinde ubheke nokuthi ngokomoya usesimeni esikahle yini. Ukudla akusikho okokuba uthole umsoco kuphela kodwa kufana nosikompilo - kudlala indima enkulu empilweni - kuba yindlela yokuzithokozisa neyokukhulisa ubudlelwano nokuzwana phakathi kwethu, abangani nomnde
ni. Yingakho kubalulekile ukuba ukubeke ekhanda lokhu ngaphambi kokuba wenze ushintsho endleleni ophila ngayo.
“Uma uzimisele ngokwehlisa isisindo, qinisekisa ukuthi uthola ubufakazi esikhundleni sokuzwa ngabantu bekhuluma. Ngaso sonke isikhathi uma ubheka i- diet ethile kubalulekile ukubhala igama elithi ‘ research’ ukuze uthole ucwaningo oluyilo.
“Uma ufuna ukuthola ulwazi oluthe xaxa kumqoka ukuxoxa ne- dietician ebhaliswe ngokusemthethweni. Ungayithola ku- www.adsa. org.za.
“I- dietician oyisebenzisayo kakumele kube ngezobheka inzuzo kakhulu noma ukudayiswa kwemikhiqizo ethile kumele izeluleko zayo kube ngezizobeka wena eqhulwini,” kuchaza uNatalie.