Kulula ukulondoloza imali kwi-stok'fela
Senisithathile isinqumo sokulondoloza imali ngokuyifaka ebhange kepha kusenezikhalo. Lapha sibheka izimpendulo emibuzweni eyaye ishiye ukudideka kanti kungahle kusize ukuba istok’fela sibheke ezinye izindlela zokulondoloza kwezinye izikhwama ezingaletha inzuzo.
NGABE UDINGA IMALI ENINGI UKULONDOLOZA IMALI KWIZABELO?
Udinga imali elinganiselwa ku-R2 500 ngenyanga ukuqala ukulondoloza okanye ukwenza utshalomali. Njengestok’fela ningafaka isamba semali noma nifake imali nyanga-zonke. Ningakwazi futhi ukuyengeza imali eniyitshalayo noma nini.
NGEKE YINI ISTOK’FELA SIKWAZI UKUTHOLA IMALI NOMA NINI UMA SIYIDINGA?
Kasikho isikhathi esikaliwe uma utshala imali ngaphansi kwezinhlelo ezifana nama- unit trust, okuwuhlelo oluhle kakhulu ukusetshenziselwa istok’fela. Lapha uyakwazi ukukhipha imali noma ngabe yinini nxa usuyidinga ngaphandle kokukhokha inhlawulo.
IMALI YESTOK’FELA KAYIPHEPHILE NXA INGEKHO EBHANGE
Kuwumthetho ukuthi ngaphambi kokwethulwa kwesikhwama samaunit trust, kumele kuqokwe ozosibhekelela (isikhwama), phecelezi i- trustee. Lokhu kwenziwa ukuqinisekisa ukuthi imali ivikelekile.
Ngisho noma inkampani esingethe umnotho ingaphelelwa yimali, i- trustee izoqinisekisa ukuthi imali yestok’fela iphephile.
IMALI YESTOK’FELA IZOKWEHLELWA YINTENGO YAYO
Zonke izinhlelo zotshalomali zinobungozi, ngisho nemali oyibeka ebhange imbala. Nokho ukwehla nokwenyuka kwentengo yemali yakho kulele ekutheni uzimisele ukuthatha utshalomali olunobungozi obungakanani.
Kunezikhwama zama- unit trust okuhloswe ngazo ukuvikela imali yakho kepha zinenzuzo engcono kunokubeka imali ebhange.
NGABE SIZOKHOKHA INHLAWULO EPHEZULU?
Inhlawulo iyinkinga uma ungaqondi ukuthi uyikhokhelani. Isibonelo, umshwalense wezempilo uyabiza kodwa intengo yosizo olutholayo uma usuwudinga iphezulu. Izindleko kule mboni ziyalawulwa kanti ungaxoxisana nomeluleki wezemali mayelana nezindleko. ASITHEMBI MUNTU NGEMALI YETHU
Kuwumthetho ukuthi umeluleki wezemali, abe ngaphansi kweFinancial Service Board (FSB). Phezu kwalokho, kumele umeluleki wakho akunike imininingwane eqinisekisayo ukuthi ugunyaziwe ukweluleka.
Okuhle wukuthi ungakwazi ukuqinisekisa imininingwane yakhe kwi-website yeFSB. Lokhu kukusiza ekutheni uthole ukwelulekwa kumuntu ogunyaziwe.
KUMELE SILANDELE IMITHETHO NEMIGOMO YABANYE ABANTU
Ukutshala imali phansi kohlelo lwama- unit trust kuyindlela ekhululekile yokulondoloza. Kakunamgomo ekuvimba ukuphatha istok’fela ngendlela enifuna ngayo.
SINGAKUSIZA KANJANI NJENGESTOK’FELA?
Sivulelekile ukuveza imiphumela yotshalomali kumalungu estok’fela.
Bonke abeluleki bethu baqeqeshiwe futhi bagunyaziwe ukukunika usizo olusezingeni eliphezulu.
Siyaye sikunike izincomo ezilungele izidingo zestok’fela ngoba siyaqonda ukuthi ningayidinga noma nini imali, kanti kumele kube lula ukuyithola.
Wonke amalungu angakwazi ukubheka utshalomali lwestok’fela esebenzisa ubuchwepheshe.
Sikusiza ngolwimi lwakho