Badonswe ngendlebe abadlali boSuthu
Umqeqeshi ubexwayise ngobungozi beSundowns
BADONSWE ngendlebe abadlali bamaZulu FC ngaphambi komdlalo omqoka neMamelodi Sundowns we-Absa Premiership ozokuba ngeSonto ngo-15h00 eKing Zwelithini Stadium, eMlazi.
Lo mdlalo kulindeleke uhehe izinkumbi zabalandeli njengoba la makilabhu enomlando ohlonishwayo ebholeni lakuleli.
UThembela Sikhakhane oyisitobha soSuthu utshele ILANGA ukuthi bawulambele lo mdlalo.
Uthi umqeqeshi wabo (uCavin Johnson) ubadonse ngendlebe ngobungozi beDowns okufanele babugade.
“Kuzokuba ngumdlalo onzima kodwa ngeke sikwamukele ukudliwa kulo mdlalo. Iphuzu elilodwa lingangcono kunokungatholi lutho.
"UJohnson usexwayisile ngobungozi bamabhola agotshiwe avela kwiDowns, ngakho-ke kufanele sikugweme ukwenza ama- free kick ezindaweni eziyingozi.
"Ukufika kukuBongi Ntuli kusinika ithemba lokuthi sizoba bukhali phambili futhi unolwazi ngeDowns njengoba ebuya kuyona,” kusho uSikhakhane.
UJohnson uthi ikhefu abalitholile leFederation of International Football Association (Fifa) libasize kakhulu ukulungisa izindawo ebezixega.
Uthi ubadonse ngendlebe abadlali bakhe ngobumqoka bokushaya kwasani ekhaya.
Isiyonke imidlalo ye-Absa Premiership ngempelasonto iqhathwe kanje:
ESisa Dukashe Stadium: Chippa United vs Baroka FC 15h00.
ECape Town Stadium: Cape Town City vs Kaizer Chiefs 15h00.
EHarry Gwala: Maritzburg United vs Bidvest Wits 18h00.
E-Old Peter Mokaba Stadium: Polokwane City vs Free State Stars 20h15.
E-Orlando Stadium: Orlando Pirates vs SuperSport United 20h15. NGESONTO EThohoyandou: Black Leopards vs Bloemfontein Celtic 15h00.
EKing Zwelithini: AmaZulu FC vs Mamelodi Sundowns 15h00.
EMakhulong: Highlands Park vs Golden Arrows 15h00.
Imidlalo yeMultiChoice Diski Challenge (MDC) kule mpelasonto ihlelwe kanje: NGOMGQIBELO EFNB Stadium: Kaizer Chiefs Reserves vs Black Leopards Reserves 10h00.
EDr Molemela Stadium: Bloemfontein Celtic Reserves vs Highlands Park Reserves 12h00. NGESONTO EHarry Gwala Stadium: Maritzburg United Reserves vs Cape Town City FC Reserves 10h00.
E-Old Peter Mokaba Stadium: Baroka FC Reserves vs SuperSport United Reserves 10h00.
ETUT Stadium: Mamelodi Sundowns Reserves vs AmaZulu Reserves 12h00.
E-Orlando Stadium: Orlando Pirates Reserves vs Golden Arrows Reserves 12h00.
EGoble Park: Free State Stars Reserves vs Bidvest Wits Reserves 12h00.
E-Old Peter Mokaba Stadium: Polokwane City Reserves vs Chippa United Reserves 12h00.
UJohnson usexwayisile ngamabhola agotshiwe avela kwiDowns...