IZINKANYEZI SEBASTIAN JILI

NGABE UZALWA NAMUHLA?

ZETHEMBE kakhulu ukuze ukwazi ukuphuma nesinqumo esinobuhlakani futhi esiphusile. Konke ozokwenza, uzonyakaza ngokukhulu ukuzethemba. Ukuzimisela kwakho kuzokwenza uthathe igxathu elisemqoka.

ABAZALWAYO

PHAKATHI kosaziwayo abazalwa ngale nyanga sibala noMfundi Vundla ongumsunguli weGenerations: The Legacy.

ARIES (March 21-April 19)

UMA ufingqa imikhono kulapho buzogqama khona ubuqhawe bakho. Impilo yakho isesigabeni sokuzamazama kobudlelwano bakho. Ukubheka emuva kuzokugwemisa amaphutha.

TAURUS (April 20-May 20)

IUMSEBENZI ozogxila kuwona uhambelana kakhulu nekhono lakho. Kumele uyicubungule impilo yakho ukuthi izobe isakwenelisa yini esikhathini esizayo. Cabanga usabalale.

GEMINI (May 21-June 21)

IUNOMQONDO ogxile ekwenzeni imali futhi uzitshela ukuthi impilo kayilutho ngaphandle kwayo. Khohlwa ngosewadlula kukho.

CANCER (June 21-July 22)

AKUMELE uthathele izinto phezulu imiphumela ungakayicubunguli. Ukusebenza kanzima kwakho yikhona okuzokunika umvuzo.

LEO (July 23-August 22)

BHEKANA namasu okunqoba izinselelo ezivukayo. Unamathuba okulungisa isimo ebesibonakala siphuma endleleni. Kudingeka ukhombise ukuvuthwa komqondo.

VIRGO (Augt 23-Sept 22)

IMIBONO obunayo kuzomele ihambisane kakhulu nalokho ogxile kukhona. Uma uzokuqonda ukuthi isikhathi sisemqoka kanjani, ngeke uzihluphe ngokuzibambezela.

LIBRA (Sept 23-Oct 22)

UKUZIMISELA kwakho kubuye kuhambisane kakhulu nabantu abaseka izinhloso zakho. Uzoba nemibono eqhakazile ezokubeka eqophelweni olifisayo ngempilo yakho.

SCORPIO (Oct 23-Nov 21)

Ii KUZOKUSIZA ukwenza izinto ngesikhathi ngale kokuhlehlisa. Ukukhuthala kwakho kuqutshulwa kakhulu wukufezeka kwezinye izinhloso. Usaqhubeka umzabalazo ngempilo yakho.

SAGITTARIUS (Nov 22-Dec 21)

UKUBEKA okusemqoka phambili, kungaqeda ukudideka onakho. Hlela ukulandela unembeza wakho. Kuzophela ukudideka empilweni yakho.

CAPRICORN (Dec 22-Jan 19)

UYABONA ukuthi usebenzise imali kakhulu ezinsukwini ezedlule. Ukuba nezinqumo nemigomo yempilo oyilandelayo, kuzokusiza ukugwema imikhutshana engenasidingo.

AQUARIUS (Jan 20-Feb 18)

IKUNOMFUTHO omkhulu wokwenza izinto ezithile. Umqondo wakho kumele ube sesimeni sokumelana nezinguquko. Ungayigwema imidonsiswano engenasidingo.

PISCES (Feb 19-March 20)

AMANDLA onawo ungalinge uwabukele phansi. Ungakuvumeli ukubuswa yimicabango engakhi. Uzolungisa amaphutha akudala.