Akumnandi ukulinda imali yakho isikhathi eside
KUSEMQOKA ukuba wazi ukuthi ungagwema kanjani ukulinda isikhathi esingangezinyanga eziyisithupha ukuthola umhlomulo wakho wempesheni.
Kuyinkinga ukungatholi umhlomulo wakho wempesheni ngesikhathi esifanele, uzithole usulindele imali yakho isikhathi eside. Umthelela wokungatholi umhlomulo wakho ngesikhathi esifanele uholela ekubeni ungene ezikweletini.
Ngesinye isikhathi kuze kuphoqe ukuba unciphise izindleko ngokukhansela ama- policy. E-Inkunzi Wealth Group sesisize izisebenzi zikahulumeni eziningi, ngakho sinalo ulwazi futhi sazi kahle ngezinto okumele zigwenywe, ezingaholela ekubambezelekeni kokukhokhwa ngesikhathi komhlomulo wempesheni.
Abantu abaningi abaya empeshenini, baye bazithole bedumala uma sebebona ukuthi ukuhlala ekhaya kuhambisana nokulahlekelwa imali. Isizathu salokhu ukungazihleleli ukuya empeshenini kanye nokuthumela kumqashi zonke izimfanelo ezidingekayo ngaphambi kokuya empeshenini.
Inkunzi Wealth Group isisize amakhulu abantu abasempeshenini kanye nalabo abesulile emsebenzini, ngakho sinesipiliyoni esanele uma kuziwa kwimigudu elandelwayo ukuze kugwemeke ukubambezeleka kokukhokhwa komhlomulo wakho wempesheni.
IZINTO EZIBAMBEZELAYO
Nazi izizathu eziholela ekubeni ungawutholi umhlomulo wakho ngesikhathi esifanele:
Ukungafaki incwadi yokuya empeshenini okanye yokwesula emsebenzini kusenesikhathi. Kuyaye kudingeke ukuba ufake lezi ncwadi cishe kusasele izinyanga ezintathu uyeke emsebenzini noma uye empeshenini.
Kusemqoka ukuthumela imininingwane okuyiyo ukuze ugwema ukwehla wenyuka ulungisa amaphutha. Inkinga yemininingwane okungeyona ibankulu, ikakhulukazi lapho labo abengamele izikhwama zempesheni njenge-GEPF eyengamele isikhwama sempesheni yezisebenzi zikahulumeni, noma lezo zinkampani ezengamele izikhwama zempesheni zezisebenzi zasezinkampanini ezizimele sekufanele zikhokhe.
Ukuthola izaluleko ezifanele mayelana nezinhlelo zokulondoloza emuva kokwesula emsebenzini noma usungene empeshenini kubalulekile.
Abaningi bayaye bashintshe umqondo phakathi nezinhlelo uma sebebona ukuthi bazolahle- kelwa yimali, ikakhulukazi kwintela. Ukushintsha umqondo bese ufuna ukushintsha izinhlelo kuyabambezela, kwengeza isikhathi cishe izinyanga ezimbili, esikhathini ozosilinda ngaphambi kokuba ukhokhelwe umhlomulo wakho.
Siyaye sicebise amakhasimende ethu ukuba aqinisekise ukuthatha izinqumo eziwalungele nezihambelana nezifiso zawo.
Ukungabi ngendlela eshesha- yo yokuxhumana kusho ukuthi imininingwane edingakayo ayitholakali ngesikhathi esifanele, lokho okuholela ekubeni izinto zibambezeleke, bese umhlomulo wakho ugcine usuwuthole ngemuva kwesikhathi.
Kufuneka uma kukhona okudingekayo, bakwazi ukuxhumana nawe ngokushesha. Uma wena ungatholakali kalula, izinto ziyabambezeleka ngoba ngeke kukhokhwe kukhona into engalungile noma engacacile.
*Ukuze ugweme ukulinda isikhathi eside ukuthola impesheni yakho ungaxhumana nathi sikusize ukwazi ukuthola umhlomulo wakho ngokushesha.
*UNkz Zungu uyiManager kwiInkunzi Wealth Group. Ungamthinta ku-087 160 0018 noma kwi-email ethi invest@iwgsa. co.za