Ithemba lokuphendula amatafula kumaBoks

Ujabule ethola umklomelo emcimbini weKZN Sports Awards

UMDLALI wamaBhokobhoko, uSibusiso Nkosi, ukholwa ukuthi basengakwazi ukuphendula amatafula kule midlalo emibili ebasalele kwiRugby Championship.

AmaBhokobhoko azogadulisana ne-Australia koweCastle Lager Rugby Championship ngoMgqibelo ngo-17h00 eNelson Mandela Bay Stadium, ePort Elizabeth.

Lo mdlali osanda kuhlabana ngomklomelo womdlali osafufusa emcimbini weKZN Sports Award obungoLwesibili ebusuku e-Inkosi Albert Luthuli International Convention Centre, (ICC), eThekwini, uthe uqine idolo ukubona lesi sikwati siphendula amatafula.

“Ngijabule kakhulu ngalo mklomelo obaluleke kangaka engiwutholile. Kungokokuqala empilweni yami ukuthola umklomelo walolu hlobo,” kusho uNkosi ogijimela neCell C Sharks.

Uqhube waphawula ngamathuba amaBhokobhoko kwiRugby Championship.

“Umuzwa oseqenjini lesizwe muhle kakhulu. Kangingabazi ukuthi sizoyinqoba yomibili imidlalo esisalele,” kusho uNkosi.

AmaBhokobhoko azokuya kulo mdlalo ehambela phezulu kwazise asanda kuguqisa iNew Zealand ngo-36-34 ekuhambeni. Nokho lo mdlali uyazi ukuthi kuzomele basebenze ngokuphindiwe ukufeza iphupho labo lokunqoba lo mqhudelwano.

Abanye abaklonyeliswe kulo mcimbi bami kanje:

Sportswoman of the Year (Bongiwe Msomi)

Sportsman of the Year (Henri Schoeman)

Sports Personality of the Year (Zinhle Ndawonde)

Technical Official of the Year (Peter La Marque)

Coach of the Year (Fadluraghman Davids) MEC Special Awards: Lifetime Achievement Award (Blanche Moila)

Posthumous Award (Bheka Phakathi)

Special Honour Award (Hank McGregor)

Achievement Against All Odds (Mhlengi Gwala)

Junior Sportswoman of the Year (Amber Schlebusoh)

Junior Sportsman of the Year (Ben De la Porte)

Newcomer of the Year (Sibusiso Romeo Nkosi)

Sportswoman of the Year with a Disability (Melisa Ann OíNeil)

Sportsman of the Year with a Disability (Aaron Alois Putz)

Team of the Year (Maritzburg United)

Photographer of the Year (Anesh Debiky)

Sport Journalist of the Year (Mzwamandla Zondi)

Indigenous Games Team of the Year (Team KZN Umlabalaba IGís)

Developing School Team of the Year (Ndabenhle Primary)

School Team of the Year (Zandlazethu High School)

Recreation Body of the Year (Peace Players) Federation of the Year (Cricket) Volunteer of the Year (Jackie De Fin)

Administrator of the Year (Nisha Rupnarain) EseBhayi

ZIBHEKWE ngabomvu izikole ezimbili ezinobudlelwano namakilabhu agijima kwi-Absa Premiership emidlalweni yeCopa Coca Cola U/15 eqala namuhla ngoLwesine isongwe ngoMgqibelo eWolfson Stadium, KwaZakhele, eBhayi.

IGlenwood yaKwaZulu-Natal neClapham yaseGauteng, yizona zikole ezibhekwe kakhulu. IGlenwood inobuhlobo namaZulu FC kanti iClapham idlelana neMamelodi Sundowns. IClapham ijwayele ukuzenzela umathanda kulo mqhudelwano. Lesi sikole sesikhiqizele iDowns ulozolo lwabadlali okubalwa kubona uPercy Tau, uNotha Ngcobo noKhulekani Kubheka.

Izikole ezizoqhudelana kule midlalo zitheleke izolo eBhayi zase zihambela umcimbi wokuzamukela nokuqhathwa kwazo.

UKhulekani Mbatha ongumdidiyeli wemidlalo yeCoke KwaZuluNatal, uthi uyethembile iGlenwood njengoba ithole imidlalo enzima yokuzifudumezela lo mqhudelwano.

USuthu luphinde lube nobuhlobo noHlange High olusanda kugcotshwa njengezingqwele ezintsha zeKay Motsepe Cup. Lesi sikole sihlabane ngo-R100 000 ngokunqoba le midlalo. Le mali izosetshenziselwa izinhlelo zokuthuthukisa isikole. Lesi sikole sisenethuba lokuhlomula ngo-R1 million otholwa yizingqwele zikazwelonke.