Kuvinjwe abeGermany

Abaqeqeshi banqatshelwe ukungena ejimini ye-Arsenal e-England

INDUMALO kuvinjwa esangweni leArsenal uJoachin Loew ongumqeqeshi weGermany no-Oliver Bierhoff ongumqondisi walesi sikwati. Bebehlele ukuzoxoxa noMesut Ozil olaxaze iqembu lesizwe ngemuva kokushaya udaka emidlalweni yeNdebe yoMhlaba muva nje eRussia. Lo mdlali unqume ukuyeka ukudlalela izwe ngoba ekhala ngokucwaswa eGermany.

Kuthiwa u-Unai Emey ocija i-Arsenal, nguyena onqabile ukuthi leli thimba lixoxe no-Ozil. Leli thimba belivele liseEngland emhlanganweni wabaqeqeshi. ULoew naye uthi usezame kaningi ukuxhumana no-Ozil kodwa uyamziba. U-Ozil ubeyingxenye yeGermany inqoba iNdebe yoMhlaba eBrazil.

Udlale imidlalo engu-93 washaya amagoli angu-23 wakhanda angu-40 eqenjini lesizwe. Lo mdlali ugxeke kakhulu uReinhard Grinded onguMengameli weGerman Football Association nethimba lakhe ngokumcwasa. Uthi bamazi ukuthi ungowaseGermany nxa benqoba kodwa nxa izinto zibheda ubizwa ngesihambi.

Lo mdlali uzalelwe eGermany kodwa abazali bakhe ngabaseTurkey.

I-Arsenal izobhekana neWatford kowe-English Premiership ngoMgqibelo.

Isiyonke imidlalo ye-English Premiership engempelasonto imi kanjena:NGOMGQIBELO West Ham United vs Manchester United 13h30 (SS3).

Huddersfield Town vs Tottenham Hotspur 16h00 (SS6). Everton vs Fulham 16h00 (SS11). Newcastle United vs Leicester City 16h00 (SS4).

Manchester City vs Brighton & Hove Albion 16h00 (SS3). Arsenal vs Watford 16h00 (SS5). Wolverhampton Wanderers vs Southampton 16h00. Chelsea vs Liverpool 18h30 (SS3).

EyeSpanish La Liga: NAMUHLA NGOLWESINE Real Valladolid vs Levante 20h00. Deportivo Alaves vs Getafe 20h00. Girona vs Real Betis 22h00 (SS7). KUSASA NGOLWESIHLANU Rayo Vallecano vs Espanyol 21h00 (SS7). NGOMGQIBELO Real Sociedad vs Valencia 13h00 (SS7). Barcelona vs Athletic Bilbao 16h15 (SS7). Eibar vs Sevilla 18h30 (SS7). Real Madrid vs Atletico Madrid 20h45 (SS7). Levante vs Deportivo Alaves 18h30 (SS7). Real Betis vs Leganes 20h45 (SS7).

Eye-Serie A yase-Italy: NAMUHLA NGOLWESINE SPAL vs Sassuolo 19h00 (SS9). Empoli vs Milan 21h00 (SS9). NGOMGQIBELO Roma vs Lazio 15h00 (SS9). Juventus vs Napoli 18h00 (SS9). Internazionale vs Cagliari 20h30 (SS9).