Ikhefu lokuyohlinzwa kumqeqeshi we-Eagles
Izintambo zibanjwe uKG noSazi Ngubane
UHLATSHWE ngekhefu eliyisipesheli uRoger Sikhakhane ongumqeqeshi weRoyal Eagles ezovovana inkani noThongathi FC koweNational First Division (NFD) ngoMgqibelo ngo-15h00 eChatsworth Stadium. I-Eagles ethole amaphuzu agcwele okokuqala ngesikhathi iqumba phansi i-University of Pretoria ngo1-0 ngeledlule, inike uSikhakhane ikhefu lesikhashana kwazise usesibhedlela ukuyohlinzwa njengoba engaphathekile kahle. Le kilabhu iye emdlalweni weTuks izintambo ziphethwe nguKagiso “KG” Dikgacoi noSazi Ngubane.
Kulindeleke ukuba laba baqeqeshi baqhubeke nokulwela ukutholela i-Eagles amaphuzu okuqala agcwele ekhaya kwazise abalandeli bayo bayafa yindlala.
Ekhuluma neLANGA izolo ngoLwesithathu, uJames “Matatazela” Dlamini oyiMenenja ye-Eagles, uthe uSikhakhane unikwe ithuba lokuyozinyanga kahle ukuze ezolulama ngokugcwele. Uthi okuhle kakhulu wukuthi bayaxhumana naye ngokwenzeka ekilabhini. Uthi banethemba lokuthi uzolulama ngokushesha.
Ebuzwa uDlamini ngamalungiselelo omdlalo, uthe balindele ubunzima obukhulu kuThongathi FC kwazise luvutha lungabaselwe.
“Okuhle wukuthi sizokuya kulo mdlalo esebuyile uLevy Mashiane oke wathinteka, kwazise useqalile ukujima nekilabhu. Abalandeli bazobona ibhola elihle njengoba womabili amakilabhu edlala kahle muva nje,” kusho uDlamini. Unxuse abalandeli ukuba bafike ngobuningi kulo mdlalo okuzokube kungenwa bhusende kuwona. UJackson Mojapelo oyisikhulu esiphe
zulu kuTho- ngathi FC, ugcizelele eyokuthi bayithathisa okowamanqamu yonke imidlalo yabo. Uthi bazimisele ngokugcina umgqigqo omuhle abasahamba ngawo, kungafani nangesizini edlule abayiqale kabi.
Isiyonke imidlalo yeNFD ehlelelwe ukugijinywa ngempelasonto imi kanje:KUSASA NGOLWESIHLANU ECape Town: Cape Umoya United vs Mbombela United 15h00. NGOMGQIBELO E-Athlone: Stellenbosch FC vs Real Kings 15h00.
Kabokweni: Town 15h00.
EThohoyandou: Tshakhuma Tsha Madzivhandila vs Jomo Cosmos 15h00.
ETuks: University of Pretoria vs Maccabi FC 15h00.
EChatsworth: FC 15h00. NGESONTO EKameelrivier: Spurs 15h00.
EMhlathuze Sports Complex: Richards Bay vs Ajax Cape Town 15h00.
Imiphumela yeNFD izolo: Uthongathi 3, Real Kings 0. OwangoLwesibili: Ubuntu 1, Stellenboch 0. TS Sporting vs UBuntu Cape Royal Eagles vs uThongathi TS Galaxy vs Witbank