ITHEKU LIYINDAWO YEKHETHELO

IKLONYELISWE njengesifundazwe esihamba phambili e-Afrika ngokusingatha izingqungquthela zezinga eliphezulu iKwaZulu-Natal, emcimbini weWorld Travel Awards, obuseNkosi Albert Luthuli International Convention Centre (ICC), eThekwini, ngoMgqibelo.

Kulo mcimbi ohamba phambili kwezokuvakasha, kuklonyeliswe iTheku ngokuba ngenye yezindawo ezihamba phambili ekwamukeleni izivakashi zakwamanye amazwe.

I-ICC yona iklonyeliswe nje- ngendawo ehamba phambili e-Afrika ngokusingatha izingqungquthela ezisezingeni lomhlaba.

Kulo nyaka le ndawo igubha iminyaka ewu-21 yasungulwa, kanti isikhulu esiphezulu sayo, uNkk Lindiwe Rakharebe, sibonge ukubambisana kwezinhlaka ezahlukene ukuqinisekisa ukuthi i-ICC iyaqhubeka nokuba yindawo yekhethelo ekusingatheni izingqungquthela.

UNgqongqoshe wezokuThuthukiswa koMnotho, ezokuVakasha nezeMvelo KwaZulu-Natal, uMnu Sihle Zikalala, uthe kuyabathokozisa ukwamukela indondo yokuba yisifundazwe esi- hamba phambili ekusingatheni izingqungquthela nokwamukela izivakashi.

“Ukuhlomula ngalezi zindondo, kuchaza ngokusobala ukuthi sihamba kahle kwezokuvakasha njengoba silindele ngaphezulu kwezigidigidi zamarandi kule minyaka emithathu ezayo (kulo mkhakha wezokuvakasha)," kusho uMnu Zikalala.

Kulo mcimbi kuklonyeliswe nezindawo zokuvakasha ezihamba phambili kulesi sifundazwe, okubalwa amahhotela i-Oyster Box eseMhlanga, iHilton Hotel eseThekwini neThanda Game Reserve eseHluhluwe.

ISITHOMBE NGU: JOHN HLONGWA KWAVELE kwagubhazela isifuba, kwathi mangiyoyivalela ngonobhadule wengidi kubo KwaNdengezi le ntokazi enguThando Mchunu (19) ngoba phela ngeyakithi, kangifuni idlale amahumusha. UThando wenza izifundo zeHuman Resource, eMangosuthu University of Technology, eMlazi. Ungenye yezintombi ezihamba uMkhosi woMhlanga.