AYAKHALA AMADELABUTHONGO NGOKUZIPHAKAMISA KOKHOZI FM
MHLELI: Ngidumele ngomphathi omusha woKhozi FM. Cha Mapholoba kayidumi kanjena uma izosuka. Ngendlela ofike washintsha ngayo izinto oKhozini, ngathi uzibona uphethe i- spaza shop sakwakho nje.
UKhozi FM kudala siwa sivuka nalo, kuyaqala ukuthi singamadelabuthongo sicele abasakazi, sitshelwe ukuthi akekho umsakazi ozohambela umcimbi wethu. Thina noKhozi sesifana nezingane zakhona, uma sicela, kakwenzeki basiphoxe ngoba bayalazi igalelo lethu.
NoBheka Mchunu umiselwe ubala
Nana Bongie Mthembu: umdlwembe wevaka.
Nonzuzoh Zithah: Kanti kwenzenjani Nkosi yami!
Khehla Sikah Malusi Nzamah: Amadoda kanti asabanjani nje kulesi sikhathi? Usungaze ubulale umuntu wesifazane pho! Unina wezingane zakho ngemali encane kanje pho?
Sonto P Mkhwanazi: Sekuyisikhathi sokugoqwa komhlaba, uJehova uyasilanda ngezindlela ezahlukene. Kubuhlungu ukushiya umhlaba usawuthanda nabantwana bakho, siyazwelana nomndeni.
Dlamanzi Ndlovenkulu: Ubebanjwe yinsangu, ngeke ubulale unina wezingane efuna imali yamanabukeni.
Alex Xolani Sibiya: Ngisola ukuthi lo mgulukudu kawusebenzi.
KingLungstar Sengwayour Skhotheni Oclean: Hawu! Ngo-R200 sekufa umuntu njalo!
Lunga Nyanda: Kwaze kwaba buhlungu okwenzekile kuleya ndawo, bahlala bebulawa abantu besifazane. Into ehlasele yizidakamizwa, zixhaphakile. Uma kukhulunywa ngendawo eyonakele, yiyona leya.
Phumlani Muthwenyongo Langa: Sengathi imali isiyenze abantu baphelelwa wunembeza! Ungambulala kanjani nje umuntu othandana naye, uze umklabhe impela?
Sthubeni Sjekula: Kumele ibhadle ejele leyo ngulube.
DjSyanda Maziya: Mawuboshwe lowo mgulukudu, uvalelwe egunjini elimnyama, ukhiye ulahlwe olwandle.
Mxo Bhebhe: Wudoti lowo, udinga ukubhadla ejele.
Thembi Nana Kambahle: Ulwabishi akaboshwe udilika jele angaphide nje ngoba ufuna ukwesatshwa nalapho kungafanele khona. Uchaza ukuthini uma uthi abasakazi mabazigibelele uma sibacela singabalaleli? Uchaza ukuthini uma uthi mayingasetshenziswa i- logo yoKhozi FM emicimbini esuke ihambisana nalo uqobo?
Musa ukwenza kanjena mphathi wethu, sicela ubambisane nathi singabalaleli, ngidumele ngendlela ofike wenza ngayo emsakazweni esiwuthandayo. Ngicela abasondelene naye bambonise nangendlela izinto ezenzeka ngayo oKhozini ngoba kuyacaca ukuthi aphume.
Sonto P Mkhwanazi: Sekufanele isigwebo sentambo sibuye manje. Ukube siyabuyiswa ngabe umhlaba kawunje kubabulali nabadlwenguli, masibuye.
Sihle Mlangeni: Wumphakathi kuphela ongelapha lesi sifo.
Hendrix G Shangase: Indaba yejele kulo muntu wumbhedo, zizokhula zinjani lezo zingane ngoba uzophuma yena ejele aphile. Kubuhlungu ukuphila eNingizimu Afrika, amaSulumane ayaqeda ngawe uma uke wenza le nto.
ODABENI lwensizwa yaseMsinga engumnikazi wamabhanoyi, nansi imibono yabafundi bethu:-
Samkelisiwe-NomaLenge Makhuboni Ibhelekazi Susan: Intsha yangakithi uyithuthukisile, akabanga ngugombela kwesakhe.
Sikhumbuzo Mhlungu: Kuyajabulisa ukubona intsha emnyama iphumelela ngaphandle kobugebengu futhi ingaziqhakambisi ngalokho. Uyisibonelo esihle entsheni, kodwa yona ikhetha ukubukela kwabenza okubi.
Skhonzi Mthiyane Zondo: Uyohlale ebusiseka ngoba akamkhohlwa omunye umuntu nokusiza la kudingeka khona. Izwe liyashoda ngabantu abafana naye.
Phumlani Muthwenyongo Langa: Kuhle lokhu esikubona kwenzeka kubantu basemakhaya ngoba ukuthi ukhulele kuphi kakusho lutho. akanalo ulwazi.
Ukhumbule ukuthi kasiphoqiwe ukulalela uKhozi, ikhona eminye imisakazo. Ngisho sifona sisebenzisa imali yethu, ngakho-ke siyacela ungasidumazi size sigcine sesihosha imfe oKhozini singamadelabuthongo.
Uma senza imicimbi, siyaxoxa nalo uKhozi lusinike abasakazi ngoba umcimbi uvele ungowalo, yekela isandla sensimbi mphathi, kasithule ngoba singaboni. Kubalulekile ukuzehlisa uma usebenza ngabantu.
Nhlanhla Zuma: Siyambongela kakhulu umfowethu uBahle. Kangimazi ubuso nobuso, kodwa imisebenzi yakhe ngiyayazi. Siyaziqhenya ngaye. Sengathi uNkulunkulu angamphindaphinda ngezibusiso ngoba baningi abantu bakithi abasizile ngezindlela ezahlukene.
Nofika Gwanya: Kufuneka amadoda enza kanje, anamaphupho amakhulu, hhayi alibele wukuhlukumeza izingane nabesifazane.
Asiphe Siguca: Qhubeka njalo mfowethu, siyakuthanda.
Szr S'busiso: Siyambongela, uyisibonelo esihle kithina.
Cfisozondo Zondo: Ibambe lapho Mthiyane, uyisibonelo esihle.
Nompilo Nolife Zondo: Siyambongela owakwethu, sithi phambili ngobuhle bamaThiyane.
Richard Zondo: Siyabonga Mthiyane, uyisibonelo esihle kubantu baseNingizimu Afrika yonkana.
Hendrix G Shangase: Ave kunzima ukuba nebhizinisi! Ngidayisa lapho kupaka khona izimoto, ave beziphakamisa osisi abahamba ngezimoto, uthi uyambingelela avele athule du, omunye wathi akahaleli ukuzwa ukuthi uthini.
Yangicasula leyo nto kangangokuba kusukela lapho ngafisa ukuba ngolunye usuku ngimkhumbuze ngiphethe ukhiye weFerrari. Ave eyingozi umuntu onephupho, mhlawumbe yena wayezibonela iphara.
Bosisi, yekani ukuziphakamisa kanje. Nakwabesilisa lo mkhuba ukhona, umbone nje ukuthi usithatha kalula isiqholo ( perfume) sami.
Uma esesizwa kumngani wakhe, useyaqala uyasondela efuna ukusizwa, asithenge. Umuntu omnyama uma eke waphumelela, uvele angabazi abanye ukuthi bayini. Mhlawumbe lo muntu ongamxhasi yisihlobo sakho ongasazi.
Sihle Makhunga: Bonke abaziphakamisayo nabaqhenyayo bayothotshiswa. Linda uNkulunkulu akuphakamise, ungaziphakamisi wena ngoba uzogcina uzilahlekisela ngokukhulu.
Helicopter-yeNdidane Vuh Phungula: Umacaphuna kusale muhle ngoba akadli yedwa, unamawala noma esebuyisela emphakathini. Ngubani nje onganikela ngesigidi ukusiza intsha iqhube izifundo zayo? Halala, ume njalo Zondo!