UMQEQESHI WE-SHARKS UTHEMBISA USHINTSHO
UTHEMBISA ukwenza izinguquko ezinqala uRobert du Preez Snr ( osesithombeni) ongumqeqeshi weCell C Sharks ngaphambi komdlalo omqoka neTafel Lager Griqaus kwiCurrie Cup ozokuba ngoMgqibelo ngo-15h00 eTafel Lager Park, eKimberley.
URobert Snr uthe: “Ngizobuyisela uCurwin Bosch kunombolo 10 kulo mdlalo.
"Ngikholwa wukuthi uzolibamba ngezandla zombili leli thuba kwazise sebedlale ndawo- nye imidlalo eminingi ngokubambisana benoRobert Jnr.”
Leli qembu laseThekwini lisahlulwe kanye kule midlalo. Lithelwe ngehlazo lika-50-28 yiWestern Province lisekuhambeni eCape Town.
Le midlalo isifike kuvuthondaba njengoba sekungeyokugcina emzuliswaneni wokuqala ngaphambi kokuba kuqale eyokuhlunga.
Nokho lisekhona ithuba lokuba ezikaRobert Snr zidlalele owama- nqamu ekhaya uma ziyinqoba yonke eyokuhlungela ukufinyelela kuwona.
Lokhu kungenzeka ngokuba iBulls ihlule iWestern Province bese iSharks inqoba kwiGriquas.
Le midlalo izogijinywa nangabadlali abebeseqenjini lesizwe, AmaBhokobhoko, ebelibambe iqhaza kwiCastle Lager Rugby Championship esongwe ngempelasonto edlule.
Isiyonke imidlalo yeCurrie Cup engempelasonto ihlelwe kanje: KUSASA NGOLWESIHLANU EMbombela Stadium: iCOLLEGE Pumas vs Xerox Golden Lions 19h00. NGOMGQIBELO: ETafel Lager Park: Tafel Lager Griquas vs Cell C Sharks 15h00.
ELoftus Versfeld: Vodacom Blue Bulls vs DHL Western province 17h15.