DKT NHLAKANIPHO GUMEDE
Lesi sifo sibonakala ngokuthi uma kuhlolwa igazi emzimbeni kutholakale ushukela ( Glucose) uphezulu kunezinga elivumelekile. Ushukela ukuhlasela uma ngabe umzimba wakho ungakwazi ukulawula ushukela emzimbeni.
Kukhona i- hormone ebizwa nge- Insulin okuyiyona elawula ushukela ube sezingeni - uma ngabe umzimba wehluleka ukukhiqiza le hormone yilapho sihlasela khona isifo sikashukela. Lokhu kwenzeka noma ngabe i- Insulin ingasebenzi ngendlela elindelekile.
Usuke uzotshelwa ukuthi unesifo sikashukela uma ngabe:
Uzohlolwa igazi noma ngabe yinini imiphumela yaba ngaphezu kuka-11.1 mmol/L.
Uma ngabe uhlolwe igazi kade ungadlanga lutho imiphumela yaba ngaphezu kuka-7 mmol/L.
Noma ngabe i-Hb-A1c yakho ingaphezu kuka-6.5%.
Noma ngabe uhlolwe ushukela emuva kwamahora amabili kade uphuze amanzi anoshukela waba ngaphezu kuka 11.1 mmol/L.
OKUBALULEKILE
I-HbA1c yona ihlola ukuthi mungakanani ushukela ohleli emzimbeni wakho kuma- red blood cells ezinyangeni ezintathu ezedlule.
IZINHLOBO ZESIFO SIKASHUKELA (DIABETES) Le nhlobo itholakala ebuncaneni ( childhood). I- pancreas okuyiyona ekhiqiza i- hormone ebizwa nge- Insulin isuke ihlaselwa amasosha omzimba bese kuphazamiseka ukukhiqezeka kwe- Insulin okuyiyona elawula ushukela. abantu abadala futhi umzimba usuke uyikhiqiza i- Insulin kodwa ama- cells emzimbeni asuke engazweli kule insulin ekhiqizwa i- pancreas. Uma ubheka uzobona ukuthi u-Type 1 diabetes wona uvamise ukuba ulawulwe ngokujovwa kanti u-Type 2 wona usuke uzoqaliswa ngokuthi ugwinyiswe amaphilisi. Kungenzekake ku-Type 2 uqaliswe nasemjovweni uma ngabe isifo sakho singalawuleki ngamaphilisi kodwa lokhu akujwayelekile.
IZIMPAWU ZESIFO SIKASHUKELA.
Uhlezi ukhathele Uhlezi womile kungathi ungaphuza amanzi amaningi Uchama kakhulu Kungaba nokwehla emzimbeni okungenayo imbangela Ukulunywa emzimbeni Ukubona kalufifi Inkwantshu ezinyaweni nasezandleni
UBANI ONGABA NESIFO SIKASHUKELA
Wonke umuntu angaba nesifo sikashukela, akukhathalekile ukuthi ungubani, uneminyaka emingaki okanye uvelaphi. Kodwa abantu abanesikali esingaphezulu kwesijwayelekile noma uma ekhaya kunomuntu onesifo sikashukela ozalana naye usengozini yokuba nesifo sikashukela.
OKUYINGOZI NGOSHUKELA
Okubalulekile ukugcina ushukela wakho usezingeni elifanele uma ngabe usutsheliwe ukuthi unalesi sifo. Uma ngabe ushukela wakho ungalawulwa ungaba sengozini yokuba nezinye izifo okubalwa kuzo lezi: Isifo sezinso Isifo samehlo Isifo senhliziyo Isifo semithambo yegazi (kushintshe umbala womlenze kube ngathi uba mnyama)
Unyawo lukashukela ( Diabetic Foot). Kungaze kugcine sekumele unqunywe unyawo noma umlenze okanye ungasaboni emehlweni ngenxa yolokhu
ULAWULWA KANJANI USHUKELA
Ngokuzivocavoca - Ngokudla okwakhelwe umuntu onoshukela Ngokunciphisa emafutheni Ngokuphuza amanzi amaningi Ngokunciphisa kusawoti Udle ukudla okuncane kodwa kaningi ngosuku. Ave kubalulekile ukubonana ne- dietician uma ngabe unesifo sikashukela. Nguyena phela ozobe esekululeka ngeDiabetic Diet okuzomele uyilandele uma ngabe ufuna ukuba ushukela wakho uhlale usezingeni elifanele. Ngicela ubambe lokhu - umtholampilo akuyona nje kuphela indawo okumele uye kuyo uma ngabe sewugula. Ungawusebenzisa ukuyohlola nje izifo kanjalo nesifo sikashukela ungasihlola njalo ngonyaka. Ungalindi kuze konakale.