USOLINAS UZIBONA EDAYISWE NGABADLALI
UMicho ubabaza ubuhlakani bukaRhulani
USOLE abadlali bakhe ngokumhlinzela ezibini uGiovanni Solinas ongumqeqeshi weKaizer Chiefs ezakhe ziguqiswa yi-Orlando Pirates ngo-21 kowomkhaya ngaphansi kweAbsa Premiership ngoMgqibelo ntambama eFNB Stadium, eGoli.
IBucs inqobe lo mdlalo ngamagoli ka-Innocent Maela nelikaVincent Pule, kwathi eleChiefs lashaywa nguKhama Billiat. UJustin Shonga uke washweba iphenathi kulo mdlalo emuva kokuba kudlaliswe kabi u-Augustine Mulenga ebhokisini.
USolinas usole abadlali bakhe kulo mdlalo ngokumenzela phansi.
“Umdlalo siwuqale kahle, ngendlela ebesiyihlelile kodwa kuthe ungaqhubeka abadlali bami benza izinto ebe singazihle langa. Lo mdlalo b esingawunqoba kalula, sizenzele thina phansi.
"Kubuhlungu ukuhlulwa emdlalweni womkhaya ngalolu hlobo. Bekuwumdlalo wami wokuqala womkhaya lona bengifisa ukuwunqoba savele sazokwehlulwa. Kodwa-ke kakuphelile ngathi sisazoqhubeka sizabalaze ngoba siyasidinga isicoco seligi,” kusho uSolinas.
UMilutin “Micho” Sredojevic ololonga iBucs, uncome umsizi wakhe uRhulani Mokwena ngokuba nobuhlakani.
“Ukuba akekho eceleni kwami kangazi ukuthi ngabe ngimisa kanjani ngoba ukhaliphile futhi ibhola ulazi njengoba ezazi.
"Sibe nomdlalo omuhle kodwa ngeke ngikufihle ukuthi benginovalo beshaya igoli kuqala, bengizitshela ukuthi kuzosibhedela. Kodwa-ke ngijabule ngomphumela. Uma unqobe lo mdlalo womkhaya uvele uzizwe sengathi unqobe inkomishi,” kusho uSolinas.
Isiyonke imiphumela ye-Absa Premiership imi kanjena: SuperSport 1, Arrows 1; Celtic 1, Baroka 0; Leopards 1, Free State Stars 1; Chippa 0, Sundowns 1; Cape Town City 3, AmaZulu FC 0; Pirates 2, Chiefs 1; Polokwane 1, Maritzburg 0; Wits 1, Highlands 0.
Eye-English Premiership: Man U 2, Everton 1; Palace 2, Arsenal 2; Burnley 0, Chelsea 4; Leicester 1, West Ham 1; Southampton 0, Newcastle 0; Watford 3, Huddersfield 0; Fulham 0, Bournemouth 3; Liverpool 4, Cardiff 1; Brighton 1, Wolverhampton 0.
* ITottenham Hotspur izodlala neManchester City namuhla ngoMsombuluko ngo-22h00.