KUMPHENDULE ISILOMO UGIGABA UKUPUTSHUKA KWE-VIDEO
LISHONE elayizolo eyisilomo ezinkundleni zokuxhumana uMnu Malusi Gigaba onguNgqongqoshe wezaseKhaya ngenxa ye- video avela kuyona ephulula isitho sakhe sangasese, ekhuluma ethi: “uyacangaba nje lokhu sekusemlonyeni wakho."
Nokho kwabanye kubukeke kuyihlazo elesabekayo lokhu kuvela kwakhe eziphulula isitho obekubukeka sengathi sigcotshwe okusamafutha, kubukeka sengathi ugabisela owesifazane othile.
Ngemuva kokusabalala kwale video, uMnu Gigaba ubhale kwiTwitter yakhe ethi benomkakhe (uNkk Norma Gigaba) zibashaqisile lezi zindaba zokusabalala kwayo. Ezinkundleni zokuxhumana abantu bebenqakisana ngayo le video, abanye bencoma ububanzi besitho sikaMnu Gigaba.
“Le video besiyenzele ukuthi ibukwe yithi kuphela kodwa yantshontshwa ngabathile emuva kokuba izigebengu ziphumelele ukweba ulwazi obelukumakhalekhukhwini, zalusabalalisa ngoba zifuna isamba esithile semali.
“Lokhu kwenzeke emuva kokuba ngibekwe kwesobungqongqoshe wezemali ngoNda-sa (March) 2017,” kusho uMnu Gigaba kwi-Twitter. UMnu Vuyo Mkhize wePublic Affairs Consultancy, iKapital Mindz, okhulumela umndeni wakwaGiga-ba, uthi lezi zindaba kazi-mthusanga ngoba ubevele ekulindele ukuthi uma esevule icala lolu daba kakuselona olwakhe yedwa.
“Into emphathe kabi wukuthi nezingane zakhe zizoyibona le video, okuyinto abengahlosile ukuthi yenzeke. Le video bekuwumdlaliswano wasekhaya, wabantu abadala abashadile, okuzothi uma isifinyelela ezinganeni ingabukeki kahle zibona isitho sikayise.
“Ngakho-ke udlulisa okukhulu ukuxolisa kulabo abazothi uma beyibuka bese bethinteka izinhliziyo. Kusukela ngo-2017 esanda kuba ngungqongqoshe wezemali, kuntshontshwe ulwazi ocingweni lwakhe, okuyingaleso sikhathi le video efinyelele ngaso ezandleni zabanye osopolitiki.
“Laba bantu abantshontshe le video bebemfonela befuna imali. Baqale bafuna u-R5 million, wenqaba ukubanika bafuna u-R1 million wangabanika. Bathe bejika bafuna uR20 million bethi bayazi ukuthi akanawo kodwa unawo amandla okubanika ithenda engabanika le mali, nalapho wabachitha wavula icala,” kusho uMnu Mkhize.
Uthi emuva kwalokho uMnu Gigaba uthinte ihhovisi lezobunhloli, okumanje liyaluphenya lolu daba. UMnu Gigaba akaqali ukuba semanyaleni njengoba ecishe wachithekelwa wumshado wakhe kusabalala izindaba zowesifazane onguBuhle Mkhize abenobudlelwano naye yize eshadile. UPastor Sthe-mbiso Zondo oke wangena ehlazweni kusabalala i- vi-deo yakhe eshaya ngesudi yesele, uthe: “Sonke eNingizimu Afrika siphila emseni wabanye abantu. Uma ugibele ibhanoyi usuke uphila emseni womshayeli walo ngoba uma enganquma ukuliphahlaza, kungabe sekuphelile ngempilo yakho.
“Uma usothandweni usuke uphila emseni wesithandwa sakho, ngoba ungalala naso nivumelene kahle kodwa sivuke ngakusasa ekuseni sesikuqambela amanga sithi usidlwengulile. Ngifuna ukumbongela uNgqongqoshe uGigaba ngokuthi usephumile ebugqileni bokusatshiswa ngomunye umuntu ngenxa yokuthi uphethe into engamehlisa isithunzi,” kusho uPastor uZondo.
Okhulumela i-ANC - okuyiqembu likaMnu Gigaba - uMnu Paul Mabe, ushayelwe ngalolu daba kodwa ubengalubambi ucingo njengenjwayelo.
Kwale noma ethunyelelwa umyalezo ngoWhatsApp kodwa lutho ukuphendula yize bekubonakala ukuthi kukhona axoxa naye ngawo. UNkk Khusela Diko okhulumela ihhovisi likaMengameli Cyril Ramaphosa “ongumqashi” kaMnu Gigaba, naye wenze esifanayo nesikaMnu Mabe, yize esethunyelelwa umyalezo ngoWhatsApp.
Nansi eminye yemibono yabantu abebephawula ngalolu daba lukaMnu Gigaba nezigigaba zakhe:* Aphiwe MaMiya Sukude:
Uphiwe bandla yena, zidla kahle ezinye izingane emnyango.
* Dumisani Sokhela: Pastor Zondo unumber 2! * Zama Mashiyoo Fuze: Wanikwa kungajahwe ndawo, bayabusa abanye abafazi. * Themba TeeJay Mthembu: Mina eyami ilingana nekaZondo nekaGigaba zihlanganisiwe, kodwa ngeke ungizwe ngichoma. * Cindy Mdunge: Sidla ngeGigabite. * Khanyisile Masotobe Sibiya:
Kodwa ngeke amdlule uZondo uGigaba. * Phumzile Ngcobo: Bayasihalisela kodwa kabafuni ukusipha le video sigeze amehlo. * Ayanda Phakathi: Ibusisiwe inkosikazi kaGigaba.