Isexwayiso seKZNA kubagijimi abangamaqili
Bagijinyelwa ngabanye ukwenza izikhathi
UMENGAMELI weKwaZulu-Natal Athletics, uSello Mokoena, wexwayisa abagijimi ukuhlukana nobuqili bokucela abanye ukuba babenzele izikhathi ezisuke zifuneka ukungenela iComrades Marathon neTwo Oceans Marathon ngokwahlukana.
Ekhuluma emcimbini wokwethula ngokusemthethweni iMaritzburg City Marathon ezokuba mhla ka-24 kuNhlolanja (February), uMokoena uthe kuyicala elibomvu okwenziwa ngabanye abagijimi kokugijinyelwa ngabanye emijahweni yokwenza izikhathi ezifuneka kwabasuke bengenele iComrades neTwo Oceans ngokwahlukana.
Nalo mjaho owethulwe ngoLwesine eMgungundlovu, ngowokwenza izikhathi zale mijaho emikhulu.
UJohn Hall ongumdidiyeli weMaritzburg Marathon, uthe umsubathi ozokwenza isikhathi esingu-2:15 kwabesilisa uzohlomula ngo-R10 000 kanti abesifazane babekelwe ukuphula u-2:45.
Izingqwele zizothola uR3000 ngokwahlukana kobulili. Lo mjaho uzokube ugubha iminyaka engu-25 wasungulwa, kanti uzoqala ngoMgqibelo womhla ka-23 lapho kuzokuba nomjaho wezingane neTrial Running. Ukubhalisela lo mjaho kuzovulwa ngoLwesine bese kuvalwa esontweni lokuqala kuNhlolanja.
UHall ugqugquzela abasubathi ukuba babhalise ngokushesha bangalindi usuku lokugcina ngoba bazokwamukela isibalo esithile sabagijimi ukugwema isiminyaminya esingase sibe khona njengoba lo mjaho uzokube uguduza ngaphakathi edolobheni uma usasuka.
Kusenjalo, uBonginkosi Zwane ube yingqwele yoGoss & Balfe South Coast Marathon izolo ngeSonto eManzimtoti. UZwane ushaye intambo ngesikhathi esingu-2:31 evule igebe lamakhilomitha amabili kuMncedisi Mkhize obeke u-2:38 kwathi uLinda Zondi walala isithathu.
URobyn Mare udle ubhedu esigabeni sabesifazane, indawo yesibili yathathwa nguLisa Collett kwathi uLauren Nell wangena isithathu
Isiyonke imiphumela yeSouth Coast Marathon ihambe kanje: 1. Bonginkosi Zwane (Boxer) 02:31:46; 2.Mncedisi Mkhize (Maxed Elite) 2:38:04; 3.Linda Zondi (Amaqhawe) 2:39:15; 4.Siyabonga Ndlovu (Aamqhawe) 2:40:01; 5.Ephraim Xaba (Hillcrest Villagers AC) 2:42:05; 6.Fredi Shelembe (Gods Golden Acre) 2:42:34; 7. Siphamandla Sinama (Chiltern) 2:42:35; 8.Mlamuli Sithole (Gods Golden Acre) 2:43:08; 9.Nkosinathi Ngxongo (Stella) 2:43:19; 10.Mlondi Zuma (Save Orion) 2:43:41.
Kwabesifazane: 1.Robyn Mare (Hillcrest Villagers) 3:23:29; 2.Lisa Collett (Boxer) 3:29:53; 3.Lauren Snell (Team Vitality) 3:31:35; 4. Sibongile Ziqubu (Nedbank) 3:42:49; 5.Mbali Ngcobo (Nedbank) 3:46:40; 6.Annemie Human (Westville) 3:46:49; 7.Martemie Le Roux (Tuks) 3:50:21; 8.Nonsikelelo Mbambo (Natal Carbs) 3:54:16; 9.Debbie Ivins (Chiltern) 3:54:41; 10.Roxanne Vale (Elite Performance Group) 3:55:12.
Eye-21km, kwabesilisa: 1. Wiseman Mthembu 1:11:04; 2.Brino Chidzungu 1:11:33; 3.Alexio Phiri 1:16:52; 4.Africa Nene 1:17:25; 5. Thobelani Nojiyeza 1:18:05; 6. Mthokozisi Cele 1:19:50; 7. Khayelihle Mthwethwa 1:20:10; 8. Bongumusa Ngcobo 1:21:27; 9. Sifiso Nqumakhwe 1:21:27; 10. Nhlakanipho Lembede 1:21:30.
Kwabesifazane: 1.Janie Grundling 1:23:41; 2.Ayanda Tshambula 1:45:56; 3.Kirsten Evans 1:47:09; 4.Lynne Mackey 1:47:37; 5. Angelique Muller 1:48:59; 6. Monique Galliers-Ward 1:49:04; 7. Kirsty Goodwin 1:50:14; 8.Simone Verster 1:50:40; 9.Carey-Lea Tarboton 1:51:33; 10.Ferne Kalamer 1:52:29.
Eye-10km, kwabesilisa: 1. Sibongiseni Khuzwayo 38:14; 2. Skhumbuzo Khumalo 38:37; 3. Bongumusa Maphumulo 39:49.
Kwabesifazane: 1.Sbongakonke Zulu 48:52; 2.Slindile Nzama 54:16; 3.Zimbili Ngesi 57:04.
EyeTembisa Mile 10km kwabesilisa: 1.Thabang Mosiako 30:09; 2. Elroy Gelant 30:20; 3.Kabelo Seboko 30:35; 4.Phenyo Chidi 30:44; 5.Philani Buthelezi 31:00; 6.Sipho Mbanjwa 31:13; 7.Puseletso Mofokeng 31:17; 8.Sibusiso Kubheka 31:18; 9.Michael Pienaar 31:36; 10.Mathews Leeto 31:44.
Kwabesifazane: 1.Maria Shai 36:50; 2.Nobukhosi Tshuma 38:18; 3.Lebo Phaluca 38:52; 4.Lethabo Makgoga 40:30; 5.Chrizell Roberts 40:43; 6.Maria Vilakazi 40:59; 7.Nomsa Khoza 41:19; 8.Khutlo Moketle 41:28; 9.Makoma Batji 41:48; 10.Simonay Weitsz 42:02.
...kuyicala elibomvu okwenziwa ngabanye abagijimi kokugijinyelwa...