Igubha iminyaka
USUKA kude umlando wenxanxathela yezitolo iMusgrave Centre, okumanje yaziwa njengedayimane laseBerea njengoba kulo nyaka igubha iminyaka engu-60 yakhiwa.
Le shopping centre ingenye yawokuqala akhiwa eNingizimu Afrika ngeminyaka yo-1950. Ngaleso sikhathi kwakuyibhilidi elaline- hardware, kube yisitolo esidayisa izimbali, yi- coffee shop, yilibrary nendawo yodokotela.
Abayikhumbulayo bathi le ndawo kwakuyisakhiwo esinomhubhe omude okakwe yizitolo macala womabili.
Kuthe ngabo1970 abenkampani eyengamele ukubhekelelwa kwamabhilidi engaphansi kwe-SA Corporate Real Estate Management, baqala bayilungisa ngokuyinweba yaba yisitezi. Eminyakeni embalwa ngemuva kwalokho ibe yikhaya lezitolo eziningi okubalwa kuzo ne-cinema.
Imenenja yaseMusgrave Centre, uMariam Omarjee uthe usuka kude umlando weMusgrave.
“Kule minyaka eminingi edlule luningi ushintsho esilwenzile ebhilidini ukuze sibhekelele izidingo zabathengi nohlobo lwabantu abayihambelayo (iMusgrave).
“Kukhona izindawo zokuphumula, ezokudlala zodado, izitolo ezidayisa imfashini ehlukene kusuka entsheni kuya kwabadala ngisho nezobuhle.
Uthi maduze kunezinhlelo zokuba babe neWiFi engu-1gig ongayisebenzisa uma ungaphakathi. UMariam uthe kusho lukhulu ukuthi bagubha iminyaka engu-60, phecelezi i- diamond anniversary, wathi banendathane yemititilizo amakhasimende angayizuza okubalwa kuyo ubucwebe neholidi eliya ePortuguese Island neminye.