BAKHALA NGESIHLOBO NGOTHOLWE EFILE

Babonge ukuhlonishwa kwakhe noma engasekho

UHLABANE eselele kobandayo umculi kamaskandi, uSibongiseni "Mjikijelwa" Ngubane, onqobe indondo yeMaskandi of the Year, ngokuqokwa ngabanye abaculi kwiKhuphuka Nezakho Sibone Inkunzi Festival, ebiseCurries Fountain, eThekwini, ngoMgqibelo.

Akugcinanga ngalokho ngoba kubuye kwanikwa ithuba abaculi abadlala ushuni wakhe ukuba bamhloniphe ngengoma kulo mcimbi obuhambisana nezindondo.

Abalandeli bakaMjikijelwa balale isibili ngobuningi kulo mncintiswano, bakhala bemuka nomklomelo ka-R20 000.

Bahlulwe ngabalandeli bakaKhuzani, abagoduke no-R100 000 ngokufika kwabo ngobuningi kule festival.

Induna yabalandeli bakaMjikijelwa, uMnu Qhoshakufanele “Soh” Mkhonza, ithe babonga kakhulu kubaculi ngokuhlonipha uMjikijelwa ngalolu hlobo.

“Akukho ukuhlonipha uMjikijelwa okwedlula lokhu okwenziwe ngabaculi. Siyabonga kakhulu ngakho konke, siyabonga nakubalandeli bakhe abamthande ephila, bamthanda ngisho engasekho emhlabeni,” kusho uMkhonza.

Kulo mcimbi bekuvotiwe kukhishwa nezindondo. Nanka amaciko anqobile: Best Maskandi: Khuzani

Best Male: Khangelani

Best Newcomer: Skweleti

Best Female Artist: Indodakazi yeNtandane

Best Induna yabalandeli: Mvumeleni “Rank” Zwane (Blue Nation ezikaKhuzani)

Best Promising: Amakhabazela

IZITHOMBE: ZITHUNYELWE ABALANDELI bakaMjikijelwa Ngubane baphume ngezinkani ngoMgqibelo.

ABALANDELI bakaKhuzani bakhale bemuka no-R100 000 ngokufika babe yinqwaba eCurries Fountain, ngoMgqibelo. UKhuzani yena udle umhlanganiso emkhakheni weBest Maskandi.