U-IRVETTE UQOPHE IREKHODI ELISHA

USIVIKELE ngempumelelo isicoco sakhe seSoweto Marathon u-Irvette van Zyl ( osesithombeni) izolo ngeSonto eNasrec, eGoli. Lo mjaho obuhlanganise i-21km ne10km, ubungenelwe ngabasubathi abangaphezulu kuka-30 000.

U-Irvette ushaye intambo ngesikhathi esingu-2:33:43 ecisha irekhodi lalo mjaho u-2:36 elabekwa nguMengitsu Biru wase-Ethiopia.

Esigabeni sabesilisa bahluleke bancama ukwenza ngcono irekhodi lomjaho, u-2:16 ophethwe nguShadreck Kemboi waseKenya. Ingqwele kwabesilisa kube nguSintayehu Yinesu wase-Ethiopia ozifake emabhukwini omlando ngokunqoba lo mjaho okwesine.

ULebenya Nkonka waseLesotho ungene isibili kwathi uDaba Ifa Debele wase-Ethiopia walala isithathu.

Umsubathi wokuqala waseNingizimu Afrika kube ngu-Edward Mothibi omangaze abathandi bezokugijima abaningi nonyaka engena endaweni yesine kwiComrades Marathon abeqala ukuyigijima.

“Nyakenye ngigijime lo mjaho nginamasonto amathathu ngikhulelwe, ngangingazi. Nonyaka ngiphinde nganqoba ekubeni indodana yami inezinyanga ezingu-5 ubudala. Ngijabule kakhulu,” kusho u-Irvette.

Lo mjaho bewungenelwe nanguMengameli wezwe uCyril Ramaphosa ophume ebangeni lika-5km. URamaphosa ugqugquzela umphakathi wakuleli ukubamba iqhaza kwezokugijima. Uthi ukugijima kuyasiza ukuhlala uphilile futhi ungasheshi nokuguga.

Isiyonke imiphumela yalo mjaho ihambe kanje, kwabesilisa: 1. Sintayehu Yinesu (Ethiopia) 2:19:10; 2.Lebenya Nkonka (Lesotho) 2:20:31; 3.Daba Ifa Debele (Ethiopia) 2:21:13; 4.Teboho Noosi (Lesotho) 2:22:40; 5.Justin Kemboi Chesire (Kenya) 2:23:40; 6. Edward Mothibi (RSA) 2:24:10; 7. Teboho Sello (RSA) 2:24:22; 8. Abebe Kumsa Gondero (Ethiopia) 2:24:53; 9.Ramolefi Motsieloa (RSA) 2:25:07; 10.Thabo Motaung (Lesotho) 2:25:50.

Kwabesifazane: 1.Irvette Van Zyl (RSA) 2:33:43; 2.Mamorallo Tjoka (Lesotho) 2:37:12; 3.Selam Abere Alebachew (Ethiopia) 2:44:50; 4.Genet Abdurkadir Habela (Ethiopia) 2:46:02; 5.Worke Degu Amena (Ethiopia) 2:50:36; 6.Charne Bosman (RSA) 2:53:48; 7.Rene Kalmer (RSA) 2:57:38; 8.Nontokozo Mkhize (RSA) 3:13:30; 9.Andronica Mokgotla (RSA) 3:14:15; 10.Estie Steyn (RSA) 3:15:17.

Kwi-21km kwabesilisa: 1.Elroy Gelant (RSA) 1:07:02; 2.Philani Buthelezi (RSA) 1:08:22; 3.Samuel Molefi (RSA) 1:08:44; 4.Derocious Makhobalo (RSA) 1:09:37; 5. Bonginkosi Mavuso (RSA) 1:09:46.

Kwabesifazane: 1.Betha Chikanga (RSA) 1:17:16; 2.Caroline Mhandu (RSA) 1:20:49; 3.Christine Kalmer (RSA) 1:20:57.

Kwi-10km kwabesilisa: 1. Desmond Mokgobu (RSA) 31:05; 2.Kabelo Melamu (RSA) 31:21; 3.Sylvester Koko (Botswana) 31:28. Kwabesifazane: 1.Glenrose Xaba (RSA) 35:25; 2.Lebogang Luthuli (RSA) 37:34; 3.Diana Lebo Phalula (RSA) 39:07.