Kungqongqe izingane ugogo "esesokeni"
Ushiye ikhandlela livutha walandela isoka
INTSHISEKELO yebhizinisi nokuphikelela sekuholele empumelelweni yebhizinisi eliqalwe ngabanikazi bamatekisi abasungule umfelandawonye wokuthutha ngamabhasi eShowe, enyakatho yeKwaZulu- Natal. Lo mfelandawonye owakhiwe iGingindlovu Taxi Association, iKing Dinuzulu Taxi Association neShowe & District Taxi Association, ungumnikazi wenkampani yamabhasi, Umlalazi Bus Service, okumanje ihlomula ohlelweni lukahulumeni lokuxhasa amabhasi, iBus Subsidy Programme. Lenkampani isebenza emizileni ewu- 8 ezindaweni ezahlukene eShowe. Udaba loMlalazi Bus Service luqale ngo- 2011, lapho amalunga omfe- landawonye elulekwa wuMnyango wezokuThutha KwaZulu Natal ukuba aguqule umsebenzi wamatekisi ube ngowamabhasi, njengengxenye yohlelo lukahulumeni lokuletha izinguquko nokukhuthaza ukusabalala kwezomnotho emikhakheni ehlukene. UMnu Thamsanqa Ngcobo ongusihlalo wale nkampani uthi indlela ayizange ibe lula, kodwa ngokuzibophezela kwabo bakwazile ukufika lapho bekhona manje. “Ngenkathi sisaqala ibhizinisi, sasingenayo nemali yokuthenga amabhasi amasha, ngakho- ke saphoqeleka ukuwaqasha. Nokho, buningi ubuhixihixi obabuhambisana nalolo hlelo, kwathi ngo2014 safaka isicelo sokubolekwa ebhange iThala, ukuze sithenge amabhasi awu- 8 abiza u- R2 million ibhasi ngalinye,” kuchaza uNgcobo. Uqhuba uthi ukusebenza ngokwethembeka kuhlale kusemqoka kakhulu ekutheni liphumelele ibhizinisini labo. Bahlale benza imihlangano yokulandelela nokuhlola inqubekela phambili yomfelandawonye. Lo mfelandawomye manje unamabhasi awu- 14, awu- 8 asekhokhelwe ngokugcwele kanti ayisithupha basaqhubeka nokuwakhokhela. Sebeqashe abantu bendawo abawu- 38 okuhlanganisa abashayeli, abasizi base- worshop, amaclerk, ocashier, abahloli nonogada. Kulaba kukhona intsha ewu- 26, abadala abawu- 12, oyedwa onokukhubazeka, kanti bebonke kunabesilisa bawu- 29 nabawu- 9 besifazane. Lo mfelandawonye usuphinde watshala isamba semali awu- R3.5 million ekwakhiweni kwedepho nokuthenga ifenisha namakhompyu- tha abakholwa ukuthi kuzokwenza ngcono ukusebenza kwabo.