I-Arsenal emakethe
Ilinyalelwe ngumdlali omqoka
INGASE ingene emakethe ingaqondile i-Arsenal yase-England elinyalelwe nguDanny Welbeck osehlinzwe amahlandla amabili ngemuva kokulimala iqakala le kilabhu ibhekene neSporting Lisbon yasePortugal kowe-Europa League.
URaul Sanllehi ongesinye sezikhulu zeArsenal, uthi basadla amathambo engqondo ngokumele bakwenze njengoba belinyalelwe yilo mdlali.
“Kuyasikhathaza ukulimala kukaWelbeck. Kungase kusidalele izindleko ezinkulu ngoba besingakuhlelile ukungena emakethe. Kumele sihlale phansi sibheke ukuthi sikhona yini isidingo sokuthenga umdlali uma sekuvulwe iwindi. Okunye esizokubheka wukuthi kungaba njani kunikwe u-Eddie Nketiah osemncane ngeminyaka yobudala ithuba.
“Sizohlala phansi no-Unai Emery ongumqeqeshi wekilabhu aphakamise ukuthi ucabanga ukuthi kuthathwe siphi isinqumo,” kusho lesi sikhulu. I-Arsenal iqhathwe ne-AFC Bournemouth kowe-English Premiership ngeSonto ngo-15h30.
Isiyonke imidlalo ye-English Premiership kule mpelasonto ihlelwe kanje: NGOMGQIBELO Brighton & Hove Albion vs Leicester City 17h00 (SS12). Fulham vs Southampton 17h00. Everton vs Cardiff City 17h00 (SS11). Watford vs Liverpool 17h00 (SS3). West Ham United vs Manchester City 17h00 (SS5).
Manchester United vs Crystal Palace 17h00 (SS6).
Tottenham Hotspur vs Chelsea 19h30 (SS3). NGESONTO AFC Bournemouth vs Arsenal 15h30 (SS3).
Wolverhampton Wanderers vs Huddersfield Town 18h00 (SS3). NGOMSOMBULUKO Burnley vs Newcastle United 22h00 (SS3).
EyeSpanish La Liga ihlelwe kanje: KUSASA NGOLWESIHLANU Leganes vs Deportivo Alaves 22h00 (SS7). NGOMGQIBELO Eibar vs Real Madrid 14h00 (SS7). Valencia vs Rayo Vallecano 17h15 (SS7). Huesca vs Levante 19h30 (SS7). Atletico Madrid vs Barcelona 21h45 (SS7). NGESONTO Athletic Bilbao vs Getafe 13h00 (SS7). Sevilla vs Real Valladolid 17h15 (SS7). Espanyol vs Girona 19h30 (SS7). Villarreal vs Real Betis 21h45 (SS7). NGOMSOMBULUKO Real Sociedad vs Celta de Vigo 22h00 (SS7).
EyeSerie A yase-Italy iqhathwe kanje: NGOMGQIBELO Udinese vs Roma 16h00 (SS9). Juventus vs SPAL 19h00 (SS9). Internazionale vs Frosinone 21h30 (SS9). NGESONTO Parma vs Sassuolo 13h30 (SS9). Napoli vs Chievo 16h00 (SS9). Empoli vs Atalanta 16h00 (SS11). Bologna vs Fiorentina 16h00 (SS8). Lazio vs Milan 19h00 (SS9). Genoa vs Sampdoria 21h30 (SS9). NGOMSOMBULUKO Cagliari vs Torino 21h30 (SS9).