I-CHIEFS IZOHLANGANA NABALANDELI E-WORKSHOP, ETHEKWINI
ITHUBA lokugcina lokuhlabana ngamathikithi okubuka iSoweto Derby phakathi kweKaizer Chiefs ne-Orlando Pirates abazodudulana emdlalweni we-semi final yeTelkom Knockout ngoMgqibelo ngo15h00 eMoses Mabhida Stadium, eThekwini.
IChiefs nabakwaVodacom, bazohambela eWorkshop enkabeni yeTheku kusasa ngoLwesihlanu kusukela ngo-12h00 kuya ku-18h00. Yize amathikithi okubuka lo mdlalo adayiswa aphela emahoreni amabili, iziMpofana zenze konke okusemandleni ukuthengela abalandeli bazo abazokuba nenhlanhla amathikithi.
Abalandeli beChiefs bazozitika ngezinto ezahlukene njengoba kuyiBlack Friday. AbakwaVodacom bazolungisa indawo ekhethekile lapho abalandeli beChiefs bezonikwa khona ithuba lokudlana indlebe nokuthatha izithombe nabadlali bale kilabhu.
Isitolo seKC Mobile sizokube sinemihlomulo ekhethekile, kanti umlandeli ozothenga ngenani likaR499 kuya phezulu, uzophiwa ithikithi. Abalandeli bazohlomula ngisho nangamathikithi ezicukuthwane.
Abalandeli baseMlazi bayanxuswa ukuvakashela isitolo seChiefs esiseMega City bafike bathole iKC Mobile starter pack, ba-Rica bese befaka i- airtime yenani lika-R55 bese bephiwa ithikithi. Abalandeli bayanxuswa ukuphuthuma ngoba kuzosebenza uhlelo lokuthi ngubani ofike kuqala. AbakwaMedshield bazokube behambisana neChiefs eWorkshop bezochazela abalandeli ngemikhiqizo yabo. Kuyona kubalwa iMediValue neMediPhila. UJessica Motaung ongumQondisi wezoku-khangisa kwiChiefs, unxuse abalandeli bale kilabhu ukuphuma ngobuningi eWorkshop. Uthi bazo-fika nabadlali abayisihlanu eWo-rkshop, kanti abalandeli bavumelekile ukuthatha izithombe nabo.
Wina awokubuka iChiefs nePirates
IKAIZER Chiefs iphisana ngamathikithi kubafundi baleli phephandaba abanenhlanhla okubuka le kilabhu idudulana ne-Orlando Pirates kowandulela owamanqamu weTelkom Knockout ngoMgqibelo ngo-15h00 eMoses Mabhida Stadium, eThekwini. Ukuzibeka ethubeni lokuwina thumela igama elithi IKHOSI ku: 49028. I- sms ibiza uR1,50. Umncintiswano uvalwa kusasa ngo-12 emini.