KUBHEDE UHLELO EMCIMBINI WAMAHLAYA
WENZE okungajwayelekile umrepha waseNingizimu Afrika uKiernan Jarryd Forbes, odume ngelika-AKA, ngesikhathi egubha usuku lwakhe lokuzalwa eYadini Lounge, eMlazi, ngoMgqibelo ebusuku. Ubehlanganisa iminyaka engamashumi amathathu nanye (31).
Lo mrepha ungene intathakusa esiteji ekhashwa yizidlakela zezinsizwa zaze zayombeka, nathe uma efika esteji wadlala ingoma eyodwa ethi “Dont Forget To Pray” qede wagxuma kakhulu ezijikijela phezu kwabantu abavele bamnqaka, bamphatha badansa naye abanye bemphulula ubuso ubona nje ukuthi bajabulela uku- mthinta.
Besamphethe ube esecela umbhobho wokucula waqhubeka wacula ephethwe abantu ngemuva kwesikhathi bambeka phansi wabuyela esteji.
U-AKA usike ikhekhe lakhe eVIP yakhona eYadini Lounge wafunza abasebenzi bakhona enoDJ Zinhle okusolakala ukuthi sebebuyelene nongunina wengane yakhe uKairo.
Libe selithathwa ikhekhe layovezwa esteji ukuze abantu balibone abanye balishutha qede labuyiselwa emuva. Kuleli khekhe bhekubhalwe igama lakhe elithi “AKA”.
Phakathi kwabaculi abazamazise usuku lwakhe lokuzalwa nguDladla Mshunqisi noTipcee abadlale kwathi ngasekugcineni bamculela u- happy birthday bemfise- la ukukhula.
Bekukhona nenqwaba yabanye abaculi noDJ. Ngeshwa u-AKA akabange esaqeda ukucula ngenxa yobuhixihixi bomsindo obumenze wangakwazi ukuqeda ukucula waxolisa kubathandi bobu- UQALE sekwedlule isikhathi umcimbi wamahlaya obuseBat Centre Obizwa ngokuthi “Women in Comedy” obuhlelwe nguNonto R (Rubushe) naye owusomahlaya. Kulo mcimbi obekwande kakhulu amahlaya esilungu abantu bebeyingcosana.
Umcimbi bekumele uqale ngehora lesikhombisa kodwa uze waqala sekusele imizuzu eyi-15 kushaye ihora lesishiyagalombili ebusuku.
UNonto R ubeziphathele uhlelo abuye azibambele mathupha ekuqhululeni amahlaya.
Amaciko abejabulisa abantu akalenzanga iphutha njengoba abantu behleke kwaze kwaphela umcimbi obuhlukaniswe izigaba ezimbili.
Phakathi kosomahlaya abebeshiyelana inkundla bekunoNina Hastie, Khanyisa Bunu kanye noLeah Jazz. Emculweni bekulindeleke kunandise uDJ Happy Girl kodwa ngezinkinga ezithile wagcina ethumele uDJ 2Short.